Pavlodar aýdany, Rozovka aýylyndaǵy «Kırov» atyndaǵy seriktestikke sút ónimderin daıyndaıtyn «FýdMaster» kompanııasynyń ókilderi kelip qaıtty. Maqsat – osy seriktestikke qarasty egistik alqaptaryn sýarý boıynsha júzege asyrylyp jatqan joba jumysyn baqylap, zamanaýı tehnıkalardy iske qosý, tutynýshylaryn turaqty túrde sút ónimderimen qamtamasyz etip otyrǵan alyp kompanııa jumysynyń joǵary nátıjesine kóz jetkizý. Jalpy, «FýdMaster» kompanııasy alǵashqy ónimderin 1995 jyly shyǵara bastady.
Pavlodar aýdany, Rozovka aýylyndaǵy «Kırov» atyndaǵy seriktestikke sút ónimderin daıyndaıtyn «FýdMaster» kompanııasynyń ókilderi kelip qaıtty. Maqsat – osy seriktestikke qarasty egistik alqaptaryn sýarý boıynsha júzege asyrylyp jatqan joba jumysyn baqylap, zamanaýı tehnıkalardy iske qosý, tutynýshylaryn turaqty túrde sút ónimderimen qamtamasyz etip otyrǵan alyp kompanııa jumysynyń joǵary nátıjesine kóz jetkizý. Jalpy, «FýdMaster» kompanııasy alǵashqy ónimderin 1995 jyly shyǵara bastady. Almaty oblysyna qarasty Esik qalasyndaǵy sút zaýytynyń sehyn jalǵa alyp, dámi til úıirer ıogýrt sýsynyn elimizde birinshi bolyp óndirdi. Kompanııanyń ónimderi búginde elimizdiń barlyq qalalaryna jetkizilýde. Otandyq naryqta óz ornyn aldy. Kompanııanyń óndiristik keshenderi Almaty, Shymkent jáne Pavlodar qalalarynda jumys jasaıdy. Sońǵy jyldary elimizdiń ár túkpirine óz ónimderin taratý maqsatynda jumsaǵan ınvestısııasy 3,5 mlrd. teńgeni qurap otyrsa, Pavlodar oblysyna quıǵan qarjy kólemi 382 mıllıon teńge kóleminde bolyp otyr.
Oblysta jylyna 5 myń lıtr sút óndiriledi. Investısııalar óńir ekonomıkasy men aýyl turǵyndaryna kómek degen sóz. Kompanııanyń dırektory Arman Aldabergenovtiń aıtýynsha, kásiporyn sońǵy bir jyldyń ishinde memleket tarapynan 40 mıllıon teńge sýbsıdııa alypty. 2006 jyly Rozovka aýylyndaǵy «Kırov» atyndaǵy seriktestiktiń óndiristik keshenin satyp alyp, iske qosqan. Qazir seriktestikten oblys ortalyǵyndaǵy sút zaýyty kúnine 150 tonna shıkizat qabyldaıdy. Kásiporyn endi salqyndatqysh quraldarynyń kómegimen jaz mezgilinde shyǵaratyn sút ónimderiniń mólsherin kóbeıtýdi qolǵa alýda. Al, «Kırov» JShS aldaǵy ýaqytta óndiriletin súttiń jyldyq kólemin 5,2 mıllıon lıtrge jetkizbekshi. Saýyn sıyrlardyń sanyn 1000 basqa, al, maldyń qystyq jemshóbin ázirleý úshin sýarmaly jer kólemin 1000 gektarǵa jetkizip, odan 20500 tonna jemshóp jınaýdy josparlap otyr. Bul kúnderi oblys ortalyǵyndaǵy «FýdMaster» kompanııasynyń fermalarynda daıyndalǵan sút ónimderi elimizdiń soltústik, ortalyq jáne batys óńirlerine jiberiledi.
Farıda BYQAI,
«Egemen Qazaqstan».
Pavlodar oblysy.
