Úkimettiń otyrysynda 2010-2014 jyldarǵa arnalǵan údemeli ındýstrııalyq-ınnovasııalyq damý memlekettik baǵdarlamasy aıasynda óńirlerde júzege asyrylǵan keıbir jobalardyń jumys istemeı turǵany aıtylǵan-dy. Shyny kerek, osyndaıda kezinde Elbasy Nursultan Nazarbaevtyń jańa kásiporyndar men nysandardy óziniń kózinshe lentasyn qıdyrǵannan keıin iske qosylmaıtynyn synǵa alǵany eske túsedi. О́ńirdegi osy baǵyttaǵy jaǵdaıdy bilmekke oblystyq kásipkerlik jáne ónerkásip basqarmasynyń bastyǵy Marat Balmuhanovqa jolyqqanbyz. Marat Núrenuly áńgimeni áriden bastady.
Úkimettiń otyrysynda 2010-2014 jyldarǵa arnalǵan údemeli ındýstrııalyq-ınnovasııalyq damý memlekettik baǵdarlamasy aıasynda óńirlerde júzege asyrylǵan keıbir jobalardyń jumys istemeı turǵany aıtylǵan-dy. Shyny kerek, osyndaıda kezinde Elbasy Nursultan Nazarbaevtyń jańa kásiporyndar men nysandardy óziniń kózinshe lentasyn qıdyrǵannan keıin iske qosylmaıtynyn synǵa alǵany eske túsedi. О́ńirdegi osy baǵyttaǵy jaǵdaıdy bilmekke oblystyq kásipkerlik jáne ónerkásip basqarmasynyń bastyǵy Marat Balmuhanovqa jolyqqanbyz. Marat Núrenuly áńgimeni áriden bastady.
Ol oblysta bul baǵdarlamany júzege asyrý boıynsha maqsatty jumystar júrgizilip jatqanyn tilge tıek ete kelip, elimizdiń Indýstrııalandyrý kartasyna oblystan 10.0 myńnan astam jumys ornynyń qurylýymen 632,8 mıllıard teńge turatyn 73 ınvestısııalyq joba engizilgenin jetkizdi. 2010-2012 jyldary Indýstrııalandyrý kartasy aıasynda jalpy somasy 188,3 mıllıard teńgege 64 joba paıdalanýǵa berilip, 5 myń jańa jumys orny ashylǵanyna toqtaldy. О́tken jyly ǵana jalpy somasy 4,5 mıllıard teńge bolatyn 13 joba iske qosylyp, 400 adam eńbekke tartylǵan.
Sóz arasynda osy paıdalanýǵa berilgen kásiporyndar túgeldeı tolyq qýatynda jumys istep tur ma degen kókeıdegi kúdigimizdi de jasyrmadyq.
– Jalpy, barlyǵy da jumys istep tur. Alaıda, iske qosylǵan jańa kásiporyndar tolyq qýatynda jumys istep ketýine belgili bir ýaqyt kerek. Sońǵy eki jylda paıdalanýǵa berilgen 64 jobanyń 44-i josparly qýatyna shyǵa bastady Onyń ishinde «Voshod Orıel», «Aqtóbe mys kompanııasy» jaýapkershiligi shekteýli seriktestikteri sııaqty iri kásiporyndar bar. Paıdalanýǵa berilgen 20 kásiporyn 31,2 paıyzǵa jumys istep tur. Bular da kezeń-kezeńmen jobalyq qýattaryna shyǵýǵa baǵyt ustaýda. Bir sebeptermen, tehnologııalyq jaǵdaıda belgili bir kezeńde toqtap qalatyndary da kezdesedi. Bul maýsymdyq sıpatta jumys isteıtin salalarǵa, sonyń ishinde qurylys salýǵa qajetti kirpish, beton bloktar, qabyrǵalyq materıaldar, qıyrshaq tas shyǵaratyn kásiporyndarǵa qatysty. Iske qosylǵan jobalardyń jumysyna monıtorıng júrgiziledi. Ázirge júzege asyrylǵan jobalardyń múldem toqtap turǵandary joq. Jańa nysandardy iske qosý ónim óndirýge anaǵurlym serpin berdi. 2012 jyldyń qorytyndysynda údemeli ındýstrııalyq-ınnovasııalyq damýdyń memlekettik baǵdarlamasynyń barlyq negizgi kórsetkishi boıynsha ósimniń oń qarqyny baıqaldy, – dedi Marat Balmuhanov.
Ústimizdegi jyly óńirde jeti jańa ınnovasııalyq jobany iske qosý kózdelýde. Olarǵa salynatyn ınvestısııa kólemi – 112,0 mıllıard teńgeni quraıdy. Olardyń arasynda «Qazhrom» TUK» AQ-qa qarasty Aqtóbe ferroqorytpa zaýytynyń 4 sehy bar. Bul kásiporynnyń alǵashqy eki peshin ústimizdegi jyldyń qarasha aıynda iske qosý josparlanǵan. Qazir qurylys jumystary aıaqtalyp keledi. Qondyrǵylardy ornatý yjdaǵattylyqpen atqarylýda. «Stroıdetal» JShS jańa seh qurylysyn salyp paıdalanýǵa beretin bolady. Jańajol gaz óńdeý zaýytynyń úshinshi kezegin paıdalanýǵa beretin «Aqtóbemunaıgaz» AQ qarqyndy jumys isteýde. «Qazaqstan temir joly» ulttyq kompanııasy «Transportnye tehnologıı» JShS-men birlesip salyp jatqan rels zaýytyna 55 mıllıard teńge ınvestısııa salynatyn bolady. Bul zaýyt jylyna 400 myń tonna temir jol relsterin shyǵarýǵa eseptelgen. Bul jobany júzege asyrýǵa «Bıznestiń jol kartasy -2020» baǵdarlamasy boıynsha tıisinshe ınjenerlik ınfraqurylym júrgizýge 2 mıllıard teńge bólingen.
Oblys ortalyǵynan ındýstrııalyq-ınnovasııalyq park salý qolǵa alyndy. Munda ınjenerlik kommýnıkasııalar júrgizý úshin tehnıkalyq-ekonomıkalyq negizdeme jasalyp qoıylǵan. Indýstrııalyq aımaqta jalpaq áınek shyǵaratyn zaýyt qurylysy bastalmaq. Qazir onyń bıznes-jospary jasalýda. Ydystyq shyny zaýyty da salynady dep kútilýde. Bolashaqta turǵyn úı qurylysy kombınaty, temir-beto
