Qoǵam • 20 Qańtar, 2020

Jemqorlyqtyń aldyn alýǵa jambyldyqtar da úles qosýda

65 ret kórsetildi

Memleket basshysy Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda «Halyq únine qulaq asatyn memleket» tujyrymdamasyn júzege asyrýdy tapsyrǵan bolatyn. Prezıdent sonymen qatar «Sybaılas jemqorlyqpen jan-jaqty kúresý máselesi kún tártibinen túsken joq», degen edi. Osy maqsatta Jambyl oblysynda ótken jyldyń jeltoqsan aıynda aǵartýshylyq shtab qurylyp, kezdesýler de uıymdastyryldy. Atalǵan shtab búgingi tańda óz jumysyn jalǵastyrýda.

Shtab basshysy Qasymhan Tólendıev bul jemqorlyqpen kúresýdiń tıimdi tásilderiniń biri ekenin aıtady. Jalpy, shtabtyń maqsaty da adamdardyń moraldyq-etıkalyq túsinigine yqpal etip, adal ári ashyq qoǵam qalyptastyrý. Eń bastysy – halyqtyń quqyqtyq saýattylyǵyn arttyrý.  

Búgin Taraz qalasyndaǵy №2 mamandandyrylǵan órt sóndirý bóliminiń qyzmetkerlerimen kezdesý ótti. Atalǵan kezdesýge Qazaqstan Respýblıkasy Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti basshysynyń birinshi orynbasary Ravıl Tólebaev qatysyp, adaldyq, parasattylyq qaǵıdattaryn basshylyqqa ala otyryp jumys isteýdiń mańyzdylyǵyna toqtaldy.

«Kóptegen adamdar óziniń quqyǵyn bilmeýdiń kesirinen, sol zańdy buzýǵa deıin baryp jatady. Parany alǵan adam da, bergen adam da teń dárejede jaýap beretindigin bilesizder. Osyny biz halyqqa jetkizýimiz kerek. Sondyqtan arnaıy shtab quryldy. Tóraǵanyń tapsyrmasymen tek oblys ortalyǵy ǵana emes, shalǵaı jatqan eldimekender de túgel qamtylatyn bolady», dedi Ravıl Tólebaev.

 

Jambyl oblysy

 

Sońǵy jańalyqtar

Uqsas jańalyqtar