Alqa otyrysynda Ádilet mınıstri M.Beketaev 2019 jyldyń qorytyndysy boıynsha baıandap, 2020 jyldyń birinshi jartyjyldyǵyna ádilet organdarynyń aldyna qoıylǵan negizgi mindetterge toqtaldy.
Mınıstrdiń sóz saptaýyna qaraǵanda, quqyq qorǵaý jáne sot salalarynda mańyzdy ózgerister kútilýde. Jáne osy tusta mańyzdy qujattardyń biri retinde Ákimshilik rásimdik-prosestik kodekstiń qabyldanýy bolmaq. Bıyl Volonter jyly bolyp jarııalandy. Onyń maqsaty – qoǵamnyń ıgiligi úshin halyq sanasynyń erikti eńbekti qabyldaýyna baılanysty sapaly ózgeris jasaý, eriktiler qyzmeti mádenıetiniń damý tetikterin engizý. Mine osyǵan ádilet organdary barlyq deńgeıde zań qaýymdastyqtarymen birlesip belsendi atsalysýy qajet.
Ádilet organdarynyń jańa qurylymyna sáıkes (aýdanaralyq ádilet basqarmalaryn qurý) ortalyq apparat pen aýmaqtyq ádilet organdary basshylary jergilikti jerlerde jumysty sapaly uıymdastyrýy qajet. Osyǵan oraı, jumys barysynda eshqandaı kemshilikke jáne turǵyndar tarapynan eskertýge jol berilmeýi tıis. Budan basqa, qalalyq jáne aýdandyq ádilet basqarmalarynyń ońtaılandyrylǵanyn eskere otyryp, jergilikti jerlerde faktorlyq-baldyq shkalaǵa negizdelgen eńbekaqy tóleý júıesin engizý kerek ekenin eske salyp ótti vedomstvo basshysy.
«Halyq únine qulaq asatyn memleket» tujyrymdamasyn iske asyrý boıynsha jumys jalǵasady. Bul rette halyqpen tıimdi keri baılanys ornatyp, azamattardyń ótinishterin sapaly qaraý qajet. О́tinishterdiń kóp bóligin atqarýshylyq is júrgizý quraıdy, sondyqtan osy baǵytty erekshe baqylaýda ustaýdy tapsyramyn. Ásirese sot aktilerin oryndaý departamenti respýblıkalyq jeke sot oryndaýshylary palatasymen birlesip shaǵymnyń sanyn azaıtý maqsatynda atqarýshylyq is júrgizý boıynsha problemalyq máselelerdi sheshýdiń keshendi sharalaryn qabyldasyn, dedi mınıstr.
Alıment óndirip alý – sot aktilerin oryndaý boıynsha basym baǵyttardyń biri. Túsetin shaǵymdardyń jartysynan kóbin osyndaı ister quraıdy eken. Sondyqtan atalǵan máseleni sheshý úshin mınıstrlik «Alıment óndirip alýdyń tıimdi júıesin jasaý boıynsha 30 qadam» is-sharalar josparyn bekitip, iske asyrýda. Bul máselede jaǵdaıdy jaqsartýdyń qosymsha tetiginiń biri – arnaıy qor qurý bolyp tabylady. Osyǵan oraı, aldaǵy kezeńde Sot aktilerin oryndaý departamenti respýblıkalyq jeke sot oryndaýshylary palatasymen birlesip arnaıy qor qurý jumysyn jandandyrmaq.
О́tken jylǵy sot-saraptama, sot aktilerin oryndaý jáne memlekettiń múliktik quqyqtaryn qorǵaý boıynsha negizgi jumys baǵyttary boıynsha sot-saraptamaǵa 190 myńnan astam materıal túsken. Oryndalǵan saraptamalardyń úlesi 96%-dan asqan. Bul rette, oryndalmaı qaıtarylǵan materıaldar sany aıtarlyqtaı qysqaryp, (2019 j. –
2 238, 2018 j. – 3 014) qaıtalama saraptamalar sany 11%-ǵa azaıǵan (257-den 229-ǵa – deıin, onyń 153-i rastalǵan, 30-y rastalǵan joq, 26-y ishinara rastalǵan). Sondaı-aq 2019 jyly aqyly qyzmet boıynsha ósimge qol jetkizilgen. Jyldyń qorytyndysy boıynsha 386 mln teńge kóleminde aqyly qyzmetter kórsetilgen (2019 j. – 386 mln teńge, 2018 jylǵa qaraǵanda 18%-ǵa kóp – 326 mln teńge).
Sol sııaqty halyqpen jumys isteýde eseptik kezeńde barlyǵy 383 ótinish túsken. Bul ótken jylmen salystyrǵanda 25%-ǵa artyq (2018 j. – 306 ótinish). Alaıda aryzdardyń basym bóligi óziniń rastaýyn tappaǵan. Tekserý barysynda tek 6 ótinish rastalǵan. Qaraý nátıjeleri boıynsha 16 qyzmetker tártiptik jaýapkershilikke tartyldy. Sonymen qatar jeke sarapshylardyń respýblıkalyq palatasymen birlesip, lısenzııa negizinde qyzmetin júzege asyratyn sot sarapshylardyń bergen qorytyndylaryna 157 ótinish qaralyp, onyń 15-i óz rastaýyn taýypty. Basym bóligi, ıaǵnı 142-si rastalmaǵan. Rastalǵan shaǵymdardyń negizinde 2 lısenzııa toqtatylǵan.
