Úkimet • 21 Qańtar, 2020

Asqar Mamın Pavlodar oblysynyń jańa ákimin tanystyrdy

109 ret kórsetildi

Úkimet basshysy Asqar Mamın Pavlodar oblystyq máslıhatynyń kezekten tys sessııasyna qatysty, onda Memleket basshysy Qasym-Jomart Toqaevtyń óńir ákimi laýazymyna usynǵan Ábilqaıyr Sqaqovtyń kandıdatýrasy biraýyzdan kelisildi. Bul týraly Premer-mınıstrdiń baspasóz qyzmeti habarlady.

Pavlodar oblysynyń aktıvine jańa ákimdi tanystyra otyryp, Premer-Mınıstr onyń óńirlik jáne respýblıkalyq deńgeılerdegi basshylyq laýazymdardaǵy úlken jumys tájirıbesin atap ótti.

«Tuńǵysh Prezıdent – Elbasy Nursultan Ábishuly Nazarbaev jáne Memleket basshysy Qasym-Jomart Kemeluly Toqaev elimizdiń ındýstrııalyq ortalyqtarynyń biri – Pavlodar oblysynyń damýyna erekshe mán beredi. О́ńirdiń ónerkásiptik áleýeti úlken, munda taý-ken metallýrgııasy kesheni, metallýrgııa jáne mashına jasaý salasy damyǵan», — dedi A. Mamın. 

Úkimet basshysy óńirdiń áleýmettik-ekonomıkalyq damýy boıynsha oblys ákimdiginiń aldynda turǵan mindetterdi atap ótti, olar: ekonomıkanyń turaqty damýyn qamtamasyz etý, ınvestısııa tartý, jańa jumys oryndaryn qurý, ómir súrý sapasyn arttyrý jáne halyqtyń tabysyn jaqsartý.

«Ábilqaıyr Baqtybaıulynyń basshylyq qyzmettegi tájirıbesi men bilimi oblys aktıvimen jáne máslıhat depýtattarymen birge Memleket basshysy alǵa qoıǵan mindetterdi sapaly sheshýdi qamtamasyz etýge múmkindik beretinine senimdimin», — dedi A. Mamın.

Kezdesýde oblystyń qoǵamdyq keńesi tóraǵasynyń orynbasary Nurlan Nábıev pen qalalyq qoǵamdyq keńes tóraǵasy Aleksandr Rıýmkın sóz sóılep, Memleket basshysy usynǵan Á. Sqaqovtyń kandıdatýrasyna qoldaý bildirip, Pavlodar oblysynyń jańa ákimine tabysty ári nátıjeli jumys atqarýdy tiledi.

Á. Sqaqov 1974 jyly 9 shildede Pavlodar oblysy Aqtoǵaı aýdanynda dúnıege kelgen. Aqmola qarjy-ekonomıkalyq tehnıkýmyn «qarjy» mamandyǵy boıynsha, Shákárim atyndaǵy Semeı memlekettik ýnıversıtetin «ekonomıka jáne qarjy» mamandyǵy boıynsha, Qazaq quqyqtaný jáne halyqaralyq qatynastar ınstıtýtyn «quqyqtaný» mamandyǵy boıynsha jáne M. Lomonosov atyndaǵy Máskeý memlekettik ýnıversıtetin «iskerlik ákimshilendirý magıstri» mamandyǵy boıynsha támamdaǵan.

1995-2006 jyldary Pavlodar oblysy boıynsha salyq komıtetiniń júıesinde jumys istegen, janama salyqtar bóliminiń mamanynan Pavlodar oblysy Qashyr aýdany boıynsha salyq komıtetiniń tóraǵasy qyzmetine deıin kóterilgen. 2006-2008 jyldary Pavlodar oblysynyń densaýlyq saqtaý departamenti dırektorynyń ekonomıka jónindegi orynbasary, 2008-2010 jyldary Pavlodar oblysy boıynsha salyq departamentiniń Pavlodar qalasy boıynsha salyq basqarmasynyń basshysy boldy.

2010 jyldyń qazan aıynan 2012 jyldyń mamyr aıyna deıin Qostanaı oblysy boıynsha salyq departamentin basqardy, 2012-2014 jyldary Qarjy mınıstrliginiń Salyq komıteti tóraǵasynyń orynbasary, Qarjy mınıstrliginiń Memlekettik kirister komıtetiniń damytý jáne jańǵyrtý departamentiniń dırektory bolyp jumys istedi.

2014 jylǵy qarashadan 2016 jylǵy jeltoqsanǵa deıin Astana qalasy boıynsha memlekettik kirister departamentine basshylyq etti, 2016 jylǵy jeltoqsannan 2019 jylǵy sáýirge deıin qorǵanys mınıstriniń orynbasary laýazymynda qyzmet etti.

2019 jylǵy sáýirden bastap qazirgi ýaqytqa deıin Qarjy mınıstrligi Qarjy monıtorıngi komıtetiniń tóraǵasy qyzmetin atqardy.

 

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Uqsas jańalyqtar