Alda – aýyl ákimderiniń saılaýy. Onyń qaı deńgeıde ótpegi men kóńilden shyqpaǵy barshaǵa, jalpy halyqqa syn bolǵaly tur. Sebebi, bul saılaý 17 mln. halyqtyń 7,5 mln.-nan astamynyń quqyǵyn anyqtaıtyn alǵashqy saılaý. 7,5 mln. degenimiz, aýylda jer emip, mal baǵyp otyrǵan qarapaıym adamdar. Demek, bul olardyń taǵdyryna tikeleı qatysy bar saılaý degen sóz. Al naýqannyń kóp kóńilinen shyǵýy úshin, árıne, jan-jaqty baqylaý, tereń qadaǵalaý, myqty talap qajet. Aýyl ákimderiniń saılaýyn baqylaý jónindegi respýblıkalyq qoǵamdyq komıssııa, mine, osy maqsatta qurylypty.
Alda – aýyl ákimderiniń saılaýy. Onyń qaı deńgeıde ótpegi men kóńilden shyqpaǵy barshaǵa, jalpy halyqqa syn bolǵaly tur. Sebebi, bul saılaý 17 mln. halyqtyń 7,5 mln.-nan astamynyń quqyǵyn anyqtaıtyn alǵashqy saılaý. 7,5 mln. degenimiz, aýylda jer emip, mal baǵyp otyrǵan qarapaıym adamdar. Demek, bul olardyń taǵdyryna tikeleı qatysy bar saılaý degen sóz. Al naýqannyń kóp kóńilinen shyǵýy úshin, árıne, jan-jaqty baqylaý, tereń qadaǵalaý, myqty talap qajet. Aýyl ákimderiniń saılaýyn baqylaý jónindegi respýblıkalyq qoǵamdyq komıssııa, mine, osy maqsatta qurylypty.
Quramyna ártúrli salanyń beldi ókilderin, atap aıtqanda, «Qazaqstan Jazýshylar odaǵy» QB tóraǵasy Nurlan Orazalın, «Qazaqstan bas redaktorlar klýby» RQB prezıdenti Kenjebolat Joldybaı, Qazaqstan gýmanıtarlyq-saıası konıýnktýra ortalyǵynyń prezıdenti Esenjol Alııarov, Eýropalyq quqyq jáne adam quqyqtary saraptamalyq ınstıtýtynyń dırektory Marat Bashımov, Qazaqstan halqy Assambleıasynyń múshesi Rahılıam Mahpırova, Qazaqstannyń isker áıelderi qaýymdastyǵynyń prezıdenti Raýshan Sársenbaeva, «Demokratııa ınstıtýty» ǴZQ QB jobalar boıynsha dırektory Iýlııa Kýchınskaıa syndy azamattar men azamatshalardyń basyn biriktiripti. Komıssııanyń tóraǵasy – «Qazaqstan Respýblıkasy ardagerleri uıymy» RQB ortalyq keńesiniń tóraǵasy О́mirzaq Ozǵanbaev.
Jaqynda osy komıssııa músheleri jıyn ótkizip, ózderiniń alǵa qoıǵan mindetteri týrasynda aıtyp berdi. О́mirzaq Ozǵanbaev 5-9 tamyz aralyǵynda baıtaq elimizdiń barlyq derlik aýmaǵyndaǵy aýyldyq okrýgterde jáne aýdandyq baǵynystaǵy qalalarda aýyl ákimderiniń saılaýy ótetindigin, komıssııanyń jumysy osy saılaýdy qadaǵalaýǵa tikeleı tireletindigin atap ótti.
«Árıne, buǵan deıin de bizdiń elimizde jekelegen ólkelerde, óńirlerde eksperıment retinde saılaý ótken bolatyn. Sol eksperımentterdiń qorytyndysyn jınaqtaı kele, ótken jyly 14 jeltoqsanda jarııalanǵan Elbasymyzdyń «Qazaqstan-2050» Strategııasy – qalyptasqan memlekettiń jańa saıası baǵyty» Joldaýynda demokratııalyq prosesterge, onyń ishinde aýyl ákimderin saılaýǵa erekshe mán bergeni belgili. Mine, osyǵan baılanysty qazir osyndaı saılaý búkil elimiz boıynsha ótkeli otyr. Bul 2457 okrýgten balamaly negizdegi saılaýǵa úmitker bolyp usynylǵan kandıdattardyń sany – 7173», – dedi О́.Ozǵanbaev. Onyń aıtýynsha, Astanada ortalyq shtaby ornalasqan respýblıkalyq komıssııa búginde resmı tirkeýden ótip, óz jumysyn bastap ketken.
Kezdesýde sóz alǵan Nurlan Orazalın bylaı dedi: «Bizdegi árbir jańalyqty, árbir bolyp jatqan oqıǵany, adamzat balasyna ortaq qundylyqtardy eskere kelip, ıaǵnı, memleket qurý bolsyn, demokratııaǵa úırený bolsyn, quqyqtyq negizde jumys isteý úlgileri bolsyn, bárin biz álemdik qoǵamdastyqtyń bir múshesi retinde soǵan beıimdep jasap otyrmyz. 7,5 mln. halyqtyń basyn quraıtyn bul saılaý qalaı ótýi kerek? 7,5 mln. degenimiz, aýyldaǵy otandastarymyz. Demek, sol aýyldarda jer emgen, mal baqqan, kóp nársege endi-endi beıimdele bastaǵan halqymyzdyń taǵdyryna tikeleı qatysy bar saılaý bul. Ol barlyǵymyzdyń ortaq abyroıymyzdy qamtamasyz etetin, ortaq maqsat-múddemizdi júzege asyratyn demokratııalyq mekteptiń alǵashqy úlgisi dep qabyldaýymyz kerek. Árbir azamat óziniń kóshin bastaıtyn azamatyn, árbir aýyl óziniń kóshin bastaıtyn basshysyn dál anyqtasa jáne soǵan senip, soǵan erip, bolashaqta bizdiń eldik tutastyǵymyzdy saqtaıtyn baǵytta jumys istese dep otyrmyz. Bizde basqa, bóten eshqandaı maqsat joq. Elge kómektesý, elge ádil de ashyq saılaýdyń ótýine muryndyq bolý.
Demokratııa degen ádemi sóz, jaqsy sóz, maǵynaly sóz. Demokratııa ótkir pyshaq ta sekildi. Demokratııa degen aıdarmen qaı jerde qandaı kemshilikter men aqaýlardy jibergenimizdi bilemiz. Dál osy joly bizdiń qandastarymyz, jer-jerdegi, aýyl-aýyldaǵy aǵaıyndarymyz qate
