1 tamyzda Qazaqstan Respýblıkasynyń Amerıka Qurama Shtattaryndaǵy elshisi Qaırat Omarov Vashıngtonda Amerıka azamatyna Qazaqstanǵa barý úshin alǵashqy besjyldyq kóp rettik vızany resmı túrde tabys etti. Bul Qazaqstanǵa tamyz aıynda sapar shegýdi josparlap otyrǵan AQSh Kongresiniń múshesi Enı Faleomavaega boldy, dep habarlady SIM baspasóz qyzmeti.
1 tamyzda Qazaqstan Respýblıkasynyń Amerıka Qurama Shtattaryndaǵy elshisi Qaırat Omarov Vashıngtonda Amerıka azamatyna Qazaqstanǵa barý úshin alǵashqy besjyldyq kóp rettik vızany resmı túrde tabys etti. Bul Qazaqstanǵa tamyz aıynda sapar shegýdi josparlap otyrǵan AQSh Kongresiniń múshesi Enı Faleomavaega boldy, dep habarlady SIM baspasóz qyzmeti.
E.Faleomavaega osy sáttiń nyshandylyǵyn ataı otyryp, Qazaqstannyń saıası turaqtylyǵy, ekonomıkalyq órkendeýi jáne Prezıdent Nursultan Nazarbaevtyń ıadrolyq qarýdan azat álem qurý jolyndaǵy ustanymy Qazaqstannyń ashyqtyǵy men AQSh-tyń strategııalyq áriptesi retindegi senimdiligine septigin tıgizedi degen pikir bildirdi.
Al besjyldyq qazaqstandyq vızasyn Qazaqstan Respýblıkasynyń Nıý-Iorktegi Bas konsýldyǵynan alǵashqy bolyp alǵan amerıkalyq azamat Stıven Rose boldy. «Men Qazaqstanǵa besjyldyq vızany alǵan amerıkalyq azamattar ishinde alǵashqylardyń biri bolǵanyma qýanyshtymyn. Maǵan sizdiń elderińiz qatty unaıdy, onda meniń dostarym turady, endi men olarǵa jıi baryp turatyn bolam», dedi ol.
Bes jyldyq vıza eki el syrtqy saıası vedomstvolarynyń tabysty jumysynyń, sondaı-aq, QR Syrtqy ister mınıstri Erlan Ydyrysovtyń AQSh-qa jýyrdaǵy saparynyń mańyzdy nátıjeleriniń biri bolyp tabylady.
Qazaqstan TMD elderi ishindegi AQSh-pen mundaı vızalyq rejim jóninde ýaǵdalasqan birinshi el.
