Taǵaıyndaý • 23 Qańtar, 2020

Prezıdenttik jastar kadr rezerviniń ókili laýazymdy qyzmetke taǵaıyndaldy

393 ret

kórsetildi

1 mın

oqý úshin

Prezıdenttik jastar kadr rezerviniń múshesi Indýstrııa jáne ınfraqurylymdyq damý mınıstrligi Azamattyq avıasııa komıteti tóraǵasynyń orynbasary bolyp taǵaıyndaldy. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Egemen Qazaqstan

Prezıdenttik jastar kadr rezerviniń ókili laýazymdy qyzmetke taǵaıyndaldy

Ardaq О́tepov buǵan deıin «Qazaeronavıgasııa» respýblıkalyq memlekettik kásipornynyń Strategııalyq josparlaý basqarmasy bastyǵynyń orynbasary qyzmetin atqardy.

О́tepov Ardaq Tóltaıuly 1984 jyly Selınograd (Nur-Sultan) qalasynda dúnıege kelgen. Týǵan qalasynda Basqarý ınstıtýtyn, Almatydaǵy Azamattyq avıasııa akademııasyn, Prezıdent janyndaǵy Memlekettik basqarý akademııasyn jáne AQSh-tyń Kalıfıornııa ýnıversıtetin támamdaǵan.

О́ziniń eńbek jolyn 2007 jyly Azamattyq avıasııa komıteti Ushý qaýipsizdigin memlekettik qadaǵalaý basqarmasynyń avıasııalyq qaýipsizdik bóliminiń jetekshi mamany bolyp bastaǵan. 2010-2011 jyldary basqarma sarapshysy, sosyn 2014 jylǵa deıin Halyqaralyq qatynastar basqarmasynyń bastyǵy boldy. 2014-2018 jyldary «Qazaeronavıgasııa» RMK Strategııalyq josparlaý jáne sapa departamentiniń ǵylymı-tehnıkalyq aqparat bólimine basshylyq etti. 2018 jyldan qazirgi ýaqytqa deıin «Qazaeronavıgasııa» RMK Strategııalyq josparlaý basqarmasy bastyǵynyń orynbasary laýazymynda boldy.