Memleket tarapynan beriletin járdemaqy men kómekten bólek júzege asatyn «Qamqorlyq» sheńberinde turmys taýqymetin tartqan jandarǵa jan-jaqty qamqorlyq kórsetý arqyly, kedeılik sheńberinen shyǵýǵa múmkindik jasalmaq. Eńbekke jaramdy azamattardy jumyspen qamtý jaǵy da qaralǵan. Mundaı otbasylardy anyqtaý úshin arnaıy komıssııa qurylyp, onyń quramyna aýyl aqsaqaldary men jergilikti belsendiler kirgen. Ár aýdanda shamamen 100-den astam otbasy kómekke zárý ekeni anyqtalǵan. Oblys boıynsha olardyń jalpy sany 2000-ǵa jýyq. Qaıyrymdy iske jergilikti depýtattar men demeýshiler de atsalysa bastady.
Aýdan, aýyl ákimderi men oblystyq «Nur Otan» partııasy fılıaldarynyń jetekshileri joba aıasynda kómekke muqtajdardyń úıine arnaıy baryp, otbasyna azyq-túlik sebetterin tabys etýde. Turǵyndardyń turyp jatqan úıine qajetti jóndeý jumystaryna jáne aýlasyndaǵy tazalyq jumystaryna arnaıy eriktiler toby jumyldyrylǵan.
