Medısına • 24 Qańtar, 2020

Otandyq dárigerlerimiz alǵash ret nemis kardıologtarymen birge otanyń jańa túrin jasady

79 ret kórsetildi

Búgin Almatydaǵy Kardıologııa jáne ishki aýrýlar ǵylymı-zertteý ınstıtýtynda otandyq kardıologtardyń mashyǵyn baıytqan tamasha sheberlik dárisi ótti. Qazaqstanda alǵash ret dárigerlerimiz nemis kardıologtarymen birge krıoblasııany qoldanyp, mıtraldy qaqpaqshaǵa hırýrgııalyq túzetý operasııasyn jasady.

Almatyǵa «Qaqpaqshaly jáne qaqpaqshaly emes júrekshe fıbrıllıasııasyn dıagnostıkalaý men emdeýdiń zamanaýı ádisteri» taqyrybyndaǵy sheberlik dárisine qatysý úshin Qazaqstannyń barlyq  óńirlerinen kardıolog dárigerler, ıntervensııalyq kardıologtar men arıtmologtar, kardıohırýrgtar, terapevt dárigerler jáne jalpy praktıka dárigerleri keldi.

Kardıologııa jáne ishki aýrýlar ǴZI uıymdastyrǵan sheberlik klass sheńberinde Qazaqstanda alǵash ret Germanııanyń Gambýrg qalasynan kelgen jetekshi kardıohırýrg, professor Thorsten Hanke krıoblasııa (ekstremaldyq sýyqtyń áserine negizdelgen júrek arıtmııasyn emdeý) jasaı otyryp, mıtraldyq qaqpaqshaǵa hırýrgııalyq túzetý operasııasy jasaldy.

Qatysýshylar professor Thorsten Hankeniń terapııany tıimdi tańdaý men elektrofızıologııa týraly dárisin tyńdady. Ol júrekshe fıbrıllıasııasynyń qanshalyqty qaýipsiz ekenin aıtyp ótti. Onyń aıtýynsha, júrekshe fıbrıllıasııasyn sátti emdeý pasıentterdiń ómirin jaqsartyp, ǵumyryn uzartyp, ınsýlt qaýpin azaıtýǵa múmkindik beredi.

Sonymen qatar doktor Thorsten Hanke mamandardy oqytýda hırýrgtyń alǵashqy bes operasııasy mindetti túrde tájirıbeli mamannyń jetekshiligimen jasalýy kerektigin atap ótti.

Instıtýttyń kardıologııa kafedrasynyń professory Kúlzıda Qoshymbaeva júrekshe fıbrıllıasııasyna ablıasııa jasalǵannan keıin pasıentterdi operasııaǵa deıin jáne operasııadan keıin emdep-qaraý týraly, al júrek yrǵaǵynyń jáne ótkizgishtiginiń buzylýy bólimshesiniń meńgerýshisi Roın Rekvava – júrekshe fıbrıllıasııasynyń kateter arqyly emdeý týraly aıtyp berdi.

Sheberlik saǵaty barysynda naqty klınıkalyq jaǵdaılar qarastyryldy jáne qatysýshylar Kardıologııa jáne ishki aýrýlar ǴZI bólimshe meńgerýshileri Rústem Tóleýtaev pen Roın Rekvavanyń jáne professor Thorsten Hankemen birlesip jasaǵan operasııalaryn kórýge múmkindik aldy.

1

Kelesi kúni, ıaǵnı 25 qańtarda operasııa aldy jáne operasııadan keıingi usynymdar beriletin bolady, sonymen qatar operasııa jasalyp klınıkalyq jaǵdaılar  qarastyrylatyn bolady. Jasandy qanaınalym zerthanasy bar kardıohırýrgııa bólimshesiniń meńgerýshisi Rústem Tóleýtaev elimizdiń barlyq óńirlerinen kelgen áriptesterine júrekshe fıbrıllıasııasyn torakoskopııalyq emdeýdiń tásilderimen tanystyratyn bolady.

Osyndaı sheberlik dárisin ótkizý kardıohırýrgııadaǵy operatıvtik aralasýlar tehnıkasyn meńgerýge, mamandardyń kásibı daǵdysyn jańa deńgeıge kóterýge múmkindik beredi.

О́z kezeginde professor Thorsten Hanke álemdik tájirıbede belgili kardıohırýrg, Torakaldyq jáne júrek-tamyr hırýrgııasy jónindegi nemis qoǵamynyń, Eýropalyq kardıotorakaldyq hırýrgııa  qaýymdastyǵynyń, Nemis kardıologııalyq qoǵamynyń Arıtmııa jumys tobynyń, sondaı-aq Nemis kardıologtar qoǵamynyń múshesi bolyp tabylady. Ol medısına salasynda jasaǵan eńbegi men ǵylymı jańalyqtary úshin kóptegen syılyqtar men granttardyń ıegeri.

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Uqsas jańalyqtar