QYZYLAǴASh QIYNDYQTA QALMAIDY

Redaksııaǵa Qazaq memlekettik qyzdar pedagogıkalyq ýnıversıtetindegi Qyzylaǵash aýylynan oqýǵa túsken bir top sýdentterden hat kelip tústi. Almaty oblysy, Aqsý aýdanynyń osy aýylyndaǵy tabıǵat zardaptarynan bolǵan qasiretke qabyrǵalary qaıysyp otyrǵanyn jazǵan stýdent qyzdar óz hattarynda Qyzylaǵash eldi mekenindegi týǵan-týystarynan aıyrylyp, aýyr qaıǵyǵa dýshar bolǵan aǵaıyn-jurtpen ózderiniń júrekteri bir ekenin aıtady. “JÚREGIMIZ —  AÝYLYMYZBEN BIRGE” Sonymen birge, olar osynaý qıyn jaǵdaıǵa kezikken aǵaı­ynǵa  memleket tarapynan ja­sa­lyp jatqan barlyq múmkin­dikterge, der kezinde jetip turǵan kómekke rızashylyq sezimderin jetkizedi. “Máselen, – delinedi hatta – biz bilim alyp jatqan ýnıversıtettiń rektory osy jaǵdaı bolǵan kún­niń ertesine Qyzylaǵash aýyly­nan kelip oqıtyn aqyly negizdegi stýdentterdiń bárine rektorlyq stıpendııa taǵaıyn­dap, grantta oqıtyn stýdent­terge qarjylaı kómek berdi. Bul, árıne, biz úshin úlken qoldaý boldy”. Odan ári hat ıeleri fılologııa fakýlte­ti­niń 2-kýrs stýdenti Kámshat Mu­ha­met­qalıeva, tarıh-ekono­mı­ka fa­kýltetiniń 4-kýrs stý­denti Ja­nar­gúl Mádenıet, fı­zıka-mate­matıka fakýltetiniń 4-kýrs stý­denti Mýnıra Tur­syn, jaraty­lys­taný-geografııa fakýltetiniń 1-kýrs stýdenti Aınash Nurbaeva, mýzykalyq bilim jáne mádenıet fakýl­tetiniń 4-kýrs stýdenti Úzim Qoıylhan, pedagogıka jáne psıhologııa fakýltetiniń 4-kýrs stýdenti Merýert Molda­ǵulova qazirgideı bilim básekesi zama­nyn­da Memleket basshy­synyń ın­tellektýaldy ulttyń qalyp­ta­sýy­na kóp kóńil bólip otyrǵan­dyǵyn, osynaý qam­qorlyqty stýdentter qaýymy jaqsy sezi­netinin aıta kelip, ózderi oqıtyn oqý ornynda shákirtaqynyń 25 paıyzǵa ósip, jataqhanalardyń salynyp, jazǵy sessııany “óte jaqsy” jáne “jaqsy” degen ba­ǵaǵa tapsyrǵan stýdentterge qo­symsha granttardyń berilip jat­qanyn da tilge tıek etipti. Odan ári olar ózderiniń týǵan aýyldary aýyr qaıǵyny bastan keship jat­qanda  syrt qal­maı, Qyzyl­aǵashty qaıta gúl­dendirýge atsalysatyndaryn  jaza­dy. Osyǵan oraı stýdent qyzdar bıyl ýnıversıtetti bitire­tin tórt túlektiń ustazdyq qyz­metti óz mektepterinde bastaı­tyn­daryn, tabıǵattyń tosyn apatynan júregi shaılyqqan ini-sińlileriniń jaqsy oqyp, kele­shekte ózderi unatqan ma­man­dyq ıeleri bolýyna kómek­tesetinderin aıta otyryp, barsha stýdent dostaryn búgingi kún talabyna saı sáýletti de aıshyqty arhı­tektýralyq úlgi­degi jańa aýyl turǵyzýǵa, onyń rýhanı áleýetin arttyrýǵa shaqyrǵan. “Balam deıtin jur­tymyz barda, jurtym deıtin urpaq biz bolaıyq!”, – deıdi hat ıeleri. Dastan KENJALIN. TASQYNǴA TOSQYN Qaıǵyrma, kóter basty, Qyzylaǵash! Jelbiretip turǵanda týyn Alash! “Biz sendermen árqashan birgemiz” – dep, Qalyń el qoldap jatyr, Qyzyr Alash! Shymkent, Tarazbenen, Qostanaıyń, Astana eselep kúsh, qosqan aıbyn. Aqtaý men Qaraǵandy, Kókshetaýyń, Atyraý – qaıǵyńa ortaq, dostar-aı – myń. Oral men Qyzylorda – qan tamyrym, О́skemen men Semeıim – aıtar muńyn. Aýzynan jyryp berip jatyr  bári, Tanytyp uly dala darhandyǵyn. Birlikti elge eshkim de suǵyna almas, Meıirim, izgilikten bir jan qalmas. Qazaqqa tán rýhpen jeńe bildiń, Tosyndaý tabıǵattyń synyn alǵash. Báısheshek qaýyz ashyp, aǵash búrler, Qyzǵaldaǵy qulpyryp dalam gúlder. Keshteý kelgen naýryzdyń nuryndaı bop, О́se bersin, Tasqyn men Amangúlder! Mamytqan QUDAIBERGENOV. Almaty oblysy, Uıǵyr aýdany, Shonjy aýyly. ATYRAÝDAN JIBERILGEN JÁRDEM Qyzylaǵashtaǵy aǵaıynnyń basyndaǵy aýyr jaǵdaıǵa atyraýlyqtardyń da qabyrǵasy qaıysyp otyr. Oblys ákimi Bergeı Rysqalıevtyń jergilikti basylymdarda óńir jurtshylyǵyn, kásipkerler men kásiporyndar basshylaryn qyzylaǵashtyqtar qıyn­dyǵyn birge kóterisýge shaqyrǵan úndeýi jarııalandy. Osyǵan oraı birneshe basqosýlar ótkizildi. Atyraý oblysy qoldan keletin kómek túriniń barlyǵyn kór­setýge daıyn. Oblys ákiminiń birinshi orynbasary Bolat Dáýkenovtiń aıtýynsha, Elbasynyń Qyzyl­aǵash­taǵy zardapty joıýǵa baılanysty berilgen tap­syrmasyna oraı óńir qazynasynan 50 mıllıon teńge qarjy arnaıy esepshotqa aýdarylǵan. Buǵan qosa óńirdegi memlekettik qyzmetkerler alǵashqylardyń qatarynda bir kúndik jalaqylaryn aýdardy. Joldasbek ShО́PEǴUL, Atyraý oblysy. ULANDYQTAR KО́MEGI Respýblıkalyq ulannyń áskerı qyz­metshileri Almaty oblysy, Aqsý aýda­nyndaǵy apattan zardap shekkenderdiń qaıǵysyna ortaqtasady. Áskerı meke­me­ler arasynda alǵashqy bolyp, Respýb­lı­kalyq ulannyń ortalyq apparaty, 0111, 0112, 0116 áskerı bólimderiniń sardarla­ry, kelisim-shart boıynsha áskerı qyz­met­shileriniń barlyǵy aqshalaı qarajat jı­nap, arnaıy ashylǵan esepshotqa aýdardy. INSTITÝT UJYMYNYŃ QOLDAÝY Almaty oblysy, Aqsý aýdanyna qarasty Qyzylaǵash aýylynda bolǵan joıqyn sý apatynyń saldarynan qaıǵyly oqıǵaǵa ushyraǵan aýyl turǵyndaryna kómek berý maqsatynda Memleket tarıhy ınstıtýtynyń ujymy apat bolǵan aýdandaǵy zardap shekken jandarǵa arnap bir kúndik jalaqysyn aýdardy. Qaıǵyly oqıǵanyń zardabyn shegip, qan jutyp qalǵan qarapaıym halyq sý tasqyny kezinde aýyr qıynshylyqqa ushyrap, baspana, mal-múlkinen aıyrylýdan syrt, 40-qa tarta jannyń ajal qushýymen aıaqtalǵan edi. Búgingi tańda, sý shaıyp ketken aýyldyń turǵyndary qoǵamnyń, memlekettiń kómegine zárý bolyp otyr. Aýyr apatqa ushyraǵan aýyl turǵyndarynyń qaıǵyly taǵdyryna alańdaýshylyq bildire otyryp, Memleket tarıhy ınstıtýtynyń ujymy, zardap shekken qamkóńil jandardyń, qıynshylyqty tez arada jeńip, eńse kóterýlerine tilektestik bildiredi. Aıtbala ÁBENOVA, Memleket tarıhy ınstıtýtynyń ǵylymı qyzmetkeri. ASTANA.