29 Qańtar, 2020

Jambyl oblysynda altyn óndiretin zaýyt salynady

200 ret kórsetildi

Nemis ınvestorlary Jambyl oblysynan altyn óndiretin zaýyt salýǵa nıetti. Bul másele jóninde Jambyl oblysynyń ákimi Asqar Myrzahmetov «Aurum Deutschland» kompanııasynyń ókilderimen kezdesip, áńgimelesti. Kezdesý barysynda qos tarap zaýyt jobasyn jan-jaqty talqylady.

Qazaqstan naryǵynda birneshe jyldan beri jumys istep kele jatqan bul kompanııamen kelissózder biraz ýaqyttan beri júrgizilýde. Jobaǵa salynatyn ınvestısııa kólemi 329 mıllıon evrony quraıdy. Zaýyttyń iske asý ýaqyty 9 jyl. Atalǵan jobanyń aǵymdaǵy jyly taý-ken kombınatynyń jobalaý jumystary júzege asyrylsa, kelesi jyly zaýyttyń qurylysy bastalady.

Zaýytta jylyna 5 tonna altyn óndiriledi dep josparlanýda. Jambyl oblysy ákimdiginiń habarlaýynsha, jergilikti bılik zaýyt salý úshin ázirge 300 gektar jer bólip otyr. Qurylys jumystaryna 350 adam tartylady dep kútilýde. Al kásiporyn tolyǵymen iske qosylǵanda 800 adam turaqty jumyspen qamtylatyn bolady.

Jıyn barysynda Asqar Myrzahmetov ınvestorlarǵa ýaqytty sozbaı, sózden iske kóshýdi usyndy. Ákim kompanııa kedergisiz jumys isteýi úshin jergilikti bılik tarapynan barlyq jaǵdaı jasalatanyn atap ótti. Aıta keteıik, aýqymdy joba Qordaı aýdanynda júzege asyrylady.

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar