Mas kúıinde kólik júrgizý Qazaqstan Respýblıkasynyń Ákimshilik quqyq buzýshylyq týraly kodeksimen jol qozǵalysy salasyndaǵy eń aýyr quqyq buzýshylyqtardyń biri retinde anyqtalǵan. Eger júrgizýshi mas kúıinde ekinshi márte ustalsa, onda ol qylmystyq jaýapkershilikke tartylady.
2020 jyldyń basynan bastap 39 júrgizýshi mas kúıinde kólik basqarǵany úshin polısııa aldynda jaýapqa tartyldy. Barlyq júrgizýshiler 7-8 jylǵa júrgizýshi kýáliginen aıyrylyp, 15 táýlikke ákimshilik qamaýǵa alyndy.
Patrýldik polısııa batalonynyń qyzmetkerleri 2020 jyldyń 26 qańtarynda saǵat 21.50-de Lomov, 162/1 kóshesinde júk tıegishti toqtatty. Medısınalyq saraptama qorytyndysynda júrgizýshi mas kúıinde bolǵan.
Patrýldeý kezinde 28 qańtarda saǵat 15.50-de Chkalov kóshesinde KamAZ kóligin toqtatty. Alkogoldi ishimdik ishken júrgizýshi ornynda áreń turyp, jol kólik erejesin saqtamaǵan. Medısınalyq saraptama qorytyndysy er adamnyń mas kúıinde rólde bolǵanyn dáleldedi.
