Álem • 29 Qańtar, 2020

Gúlnara Karımovanyń Ulybrıtanııadaǵy múlkiniń tizimi jarııalandy

75 ret kórsetildi

Brıtan basylymdary О́zbekstannyń burynǵy Prezıdenti Islam Karımovtyń úlken qyzy Gúlnara Karımovaǵa tıesili Ulybrıtanııadaǵy jyljymaıtyn múlikterdiń tizimin jarııalady. 

Bul nysandardyń bári tárkilenýi múmkin. SFO (Serious Fraud Office) alaıaqtyqpen kúres jónindegi bıýro Gúlnara Karımovanyń múlki jaıyndaǵy málimetti bastapqyda Gazette basylymyna bergen.

Áńgime Sýrreı graftyǵyndaǵy záýlim úı men Londonnyń qymbat aýdanyndaǵy jalpy quny 40 mln fýnt sterlıng ($52 mln) turatyn eki páter jaıynda.

Sýrreı graftyǵyndaǵy Gorse Hill Manor vıllasyn Karımova 2010 jyly 18 mln fýntqa (23,5 mln dollar) satyp alǵan. Qazir onyń baǵasy 30 mln fýnt (39 mln dollar) turady. Úı mańynda ózen bar, onyń janynda 1912 jyly salynǵan serýen quratyn meken jáne 70 myń sharshy metr saıabaq bar.

Londondaǵy Meıfer aýdanynda ornalasqan páterdiń quny 8 mln fýnt (10,4 mln dollar) tursa, Belgravııa aýdanyndaǵy páterdiń baǵasy 2 mln fýntqa (2,6 mln dollar) barady.

8 qańtarda О́zbekstannyń Joǵarǵy sotynyń baspasóz qyzmeti Tashkentte Karımova isine baılanysty jańa sot prosesi bastalǵanyn rastady. Onyń shveısarlyq advokaty Gregýar Manja men qyzy Iman byltyr sot otyrysynyń jabyq ótetinin habarlaǵan.

Bul joly Karımovany qylmystyq top quryp, aqsha bopsalaýmen aınalysty, bıýdjet aqshasyn jymqyrdy jáne sheteldegi kóleńkeli tabys kózin zańdastyrdy dep aıyptap jatyr.

2017 jyly ákesi Islam Karımov qaıtys bolǵannan keıin Gúlnara О́zbekstanda salyqtan jaltardy, memleket qarjysyn urlady degen aıyppen 10 jylǵa sottalǵan.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar