Otyrysqa Qoǵamdyq keńes músheleri, memlekettik mekeme basshylary, sybaılas jemqorlyqqa qarsy is-qımyl agenttiginiń ókilderi, úkimettik emes uıymdardyń basshylary qatysty. Aldymen Shymkent qalalyq qurylys basqarmasynyń basshysy Erbol Ahmetov 2019 jyly atqarylǵan jumystary týraly baıandady.
«О́tken jyly Shymkent qalasynyń qurylys basqarmasy arqyly 40,3 mlrd teńgege 113 nysannyń qurylysy júrgizilgen. Onyń ishinde: 83 turǵyn úı, 17 áleýmettik jáne basqa da sala nysandary, 13 ınjenerlik ınfraqurylym nysany, sondaı-aq, kóp balaly otbasylarǵa naryqtan 98 páter satyp alynbaq.Qazirgi tańda, «Nurly jer» memlekettik baǵdarlamasy aıasynda turǵyn úı qurylysy qarqyndy júrgizilýde. Barlyq ınvestısııa kózderinen jalpy 6 513 páterlik 132 kóp qabatty turǵyn úıdiń qurylysy júrgizildi, jyldyń qorytyndysynda 53 turǵyn úı paıdalanýǵa berildi. Kóp balaly otbasylar 450 páter jáne jumys isteıtin jastar 904 arendalyq pátermen qamtylǵan»,- dedi Erbol Qunanbaıuly.
Shymkent qalalyq energetıka jáne kommýnaldy sharýashylyq basqarmasy basshysynyń orynbasary Nurlan Jamankóz atqarylǵan jumystardyń qorytyndysynda baıandaǵandaı, qaladaǵy aýyz sý qamtamasyz etilý deńgeıi 93 paıyzy, ıaǵnı 961,134 myń adam aýyz sýdy táýlik boıy turaqty alyp jatqanyn aıtty. Qalǵan turǵyndar sýdy kestemen, uńǵyma jáne qudyq arqyly paıdalanyp otyr.
Al sapaly elektr qýatymen 942,5 myń adam qamtylyp, turǵyndardyń 8,8 paıyzy sapasy tómen nemese, jańa qurylys jumystaryn, talap etetin elektr jelilerin paıdalanýda.
Shymkent
