ShYǴYP QALǴAN DEPÝTATTAR ORNY TOLYQTY

“Qazaqstan Respýblıkasyndaǵy saılaý týraly” Qazaqstan Respýblıkasy Konstıtýsııalyq zańynyń 101-baby 4-tarmaǵyna sáıkes osy jyldyń 28 naýryzynda elimizdiń 13 óńirindegi 52 saılaý okrýginde máslıhattardyń shyǵyp qalǵan depýtattarynyń ornyna saılaý ótkizildi. Nátıjesinde 11 oblystyq, 7 qalalyq jáne 34 aýdandyq máslıhattar depýtattary saılandy.Bir depýtattyq mandatqa ortasha básekelestik eki kandıdattan sál joǵary boldy. Kandıdattardyń neǵurlym kóp sany Ońtústik Qazaqstan oblysy máslıhaty depýtatynyń mandatyna №1 saılaý okrýgi boıynsha jáne Aqmola oblysy Kókshetaý qalalyq máslıhaty  depýtatynyń mandatyna №4 saılaý okrýgi boıynsha 4 adamnan keldi. Saılaý naýqany barysynda 149 kandıdat usynyldy. Olardyń 54-in saıası partııalar, 2-ýin qoǵamdyq birlestikter usyndy jáne 93 úmitker ózin-ózi usyndy. Al “Nur Otan” HDP barlyq 52 saılaý okrýginde óz kandıdattaryn usynǵan edi. Saılaý bıýlletenderine 120 kandıdattyń aty-jónderi engizildi. Olardyń ishinde 54 kandıdat saıası partııalardyń músheleri bolyp tabylady, 51-i par­tııada joqtar, taǵy 15-i ózderiniń partııaǵa músheligin kórsetpegen. Daýys berý 28 naýryzda 316 saılaý ýchaskesinde júrgizildi. Aldyn ala derekter boıynsha, saılaýshylardyń kelýi 77,4 paıyzdy quraǵan. Daýys berý barysy men daýystardy sanaý rásimin kandıdattardyń jalpy sany 863 senim bildirilgen adamdary, saıası partııalardyń, qoǵamdyq birles­tikterdiń jáne BAQ ókilderi baqylady. Al saılanǵan 52 máslıhattar depýtattarynyń barlyǵy “Nur Otan” HDP músheleri bolyp tabylady. Saılanǵan más­lı­hattar depýtattarynyń 45-i er adamdar, 7-ýi áıelder. Jalpy, saılaý naýqany saılaý zańnamasy norma­laryna sáıkes ótkizildi. Ortalyq saılaý komıssııa­syna shaǵymdar men ótinishter túsken joq. Álısultan QULANBAI.