Sapaly taldaýdyń jáne aǵymdaǵy qarjy trendteri týraly kásibı saraptamalyq pikirdiń tapshylyǵyna alańdaýshylyq bildirgen «Sentras Sekıýrıtız» mamandary qazirgi kezde Qazaqstanda ujymdyq ınvestısııalaý ındýstrııasynyń «renessansy» baıqalatyndyǵyn atap ótti. Sońǵy jyldary qoldanystaǵy paılar shyǵarymdarynyń sany 24-ten 36-ǵa deıin ósse, paıshylardyń sany 1000-ǵa jýyqtaǵan.
«Sentras Sekıýrıtız» málimetterine sáıkes, 2008 jylǵy álemdik qarjy daǵdarysyna deıin tirkelgen ınvestısııalyq paı qorlarynyń sany 200-den asyp, buǵan qosymsha 50 aksıonerlik ınvestısııalyq qorǵa deıin ósken. Paı ıeleriniń sany 3500-den asyp, aktıvter 2008 jylǵy 1 sáýirdegi kórsetkishter boıynsha 230,7 mlrd. teńgege jetse, basqarýshy kompanııalar sany 68-ge deıin artqan. Al odan keıingi daǵdarystarda ınvestısııalyq paı qorlarynyń sany 2018 jyly 24-ke deıin tómendep, basqarýshy kompanııalardyń sany búgingi jaǵdaı boıynsha 20-ǵa deıin qysqarǵan. Nátıjesinde ınvestısııalyq naryq kásibı saraptamasyz qaldy. «Sentras Sekıýrıtız» derekteri boıynsha qor naryǵyndaǵy ınvestısııalyq taldaýshylar 70-ke deıin qysqarǵan.
Investısııalyq paı qorlary naryǵynyń tarıhyna toqtalyp ótken «Sentras Sekıýrıtız» mamandary «Investısııalyq qorlar týraly» Zań qabyldanǵan kezeńde ınvestısııalyq portfeldi basqarýshy lısenzııasyna nebary 14 kompanııa bolsa, «Sentras Sekıýrıtız» AQ 2005 jyldyń qańtarynda alǵashqylardyń biri bolyp «Qazynashylyq» ashyq ınvestısııalyq paı qory (IPQ) men «Sentras – Jahandyq Naryqtar» ınvestısııalyq paı qoryn (IPQ) tirkegen. Osy ýaqyt ishinde ınvestısııalyq qyzmetter naryǵy qarqyndy ósý, quldyraý kezeńderinen ótti. Al bul merzimde «Qazynashylyq» ashyq qorynyń tabysy teńgege shaqqanda jylyna 53,5%-dy, $-13,7%-dy qurady. О́tken jyly «Qazynashylyq» AIPQ paıshylaryna teńgemen shaqqanda jylyna 25,8, $- 26,2% tabys ákelip, depozıtterge balama retinde AIPQ salymshylarynyń úmitin aqtady.
Al «Sentras – Jahandyq naryqtar» qorynyń qoldanysqa engizilgeli bergi tabystylyǵy, teńgege shaqqanda jylyna 43,5, $-10,3% -dy qurady. О́tken jyly «Sentras – Jahandyq naryqtar» paıshylaryna teńgemen jylyna 39,3, $-39,7% kiris ákeldi.
«Sentras – Jahandyq naryqtar» qoryna benchmark retinde MSCIWorld ındeksin tańdap, aldyńǵy qatarda keledi. Naryqta 10 jyldan astam tájirıbesi bar «Eýrooblıgasııalar Qory» ótken jyly teńgemen shaqqanda jylyna 18,2, $-18,6% paıda ákelgen. Benchmark retinde JPMorganEMBonds ındeksi belgilenip, ótken jyly 320 bazıstik pýnktke asyp tústi.
Respýblıka turǵyndarynyń valıýtamen nomınasııalanǵan ınvestısııalyq ónimderge degen qyzyǵýshylyǵyn arttyrý qajettigin aıtqan mamandar búginde elimiz bankterindegi valıýtalyq salymdar boıynsha tómen mólsherlemeler jınaqtaýshylardy qarjysyn balamaly quraldarǵa salýǵa májbúrlep otyr. Sondyqtan el naryǵyndaǵy ınvestısııalyq qorlarynyń joǵary tabystylyǵy asa mańyzdy.
ALMATY
