Sýarý tehnologııalary ósimdik daqyldary ónimin kóbeıtip, sý shyǵynyn 50 paıyzǵa tómendetetin kompanııa aýyl sharýashylyǵynda ǵana emes, energetıka, kólik, saýda-sattyq, azyq-túlik beldeýin qalyptastyrýda da birlese jumys isteýge daıyn.
Bul jóninde Túrkistan oblysynyń ákimi О́mirzaq Shókeevpen kezdesýinde ınvestısııalyq jobamen tanystyrǵan «Valmont Industries» kompanııasynyń basshysy Robert Gıllen málim etti.
Kezdesý barysynda taraptar jańbyrlatyp sýarý tásilin qoldanýǵa qatysty ekijaqty yntymaqtastyq pen tájirıbe almasý josparlaryn talqylady.
Mehanıkalandyrylǵan, jańbyrlatyp sýarý júıesin qoldaný arqyly aýyl sharýashylyǵy ónimderin ósirip - baptaıtyn mashına-traktor stansııasyn qurý máselesi de ortaǵa salyndy. Oblys ákimi óńirde ınvestorlar úshin qolaıly jaǵdaılar jasalǵanyn, ákimdik tyǵyz yntymaqtastyqqa, birlesken jobalardy júzege asyrýǵa daıyn ekenin bildirdi. «О́ńirimizdiń klımaty aýylsharýashylyq ónimderin ósirý úshin óte qolaıly. Jańbyrlatyp sýarý ádisin paıdalaný aýylsharýashylyq salasyn damytýǵa yqpal etetinine senimdimin», - dedi О́mirzaq Shókeev.
Kezdesý qorytyndysy boıynsha óńir basshysy birlesken jobalardy iske asyrý úshin jumys tobyn qurýdy jáne jańbyrlatyp sýarý óndirisiniń qural-saımandaryn ornatý úshin qajetti ınfraqurylymy bar laıyqty jer telimin bólýdi tapsyrdy.
