Sýret: zrpress.ru
Qalaısha bebı-býmerler smartfondy basqalarǵa qaraǵanda kóp jaqsy kóredi? Oǵan nendeı sebep bar? Talaı jyldyń júzi boldy, ǵalymdar smartfondy kim kóp qoldanady dep zertteýler jasap júr. Nielsen kompanııasynyń zertteýlerine súıensek, 35 pen 49 jastaǵy amerıkandyqtar 18 ben 34 jastaǵylarǵa qaraǵanda ınternetti aptasyn 40 mınýtqa kóp qaraıtyn bolyp tur. Bebı-býmerler mıllenıaldarǵa qaraǵanda gadjetterine kóp baılanǵan. Tipti olar sháı iship otyrsa da, túski asqa barsa da qastarynan smartfondaryn bir eli tastamaıtyn jáne kóz almaıtyn kórinedi. Nelikten bulaı boldy eken?
Wired basylymynyń jazýynsha adam ómiriniń dál ortasy onyń barlyq múmkindikterin barynsha sarpa paıdalanyp qalýǵa tyrysatyn kezeń eken. Orta jastaǵy adam óz otbasynda basty tulǵa esebinde bolǵandyqtan barlyq aqparat ózi arqyly ótetinine asa senimdi bolady. Orta jastaǵylar óz balalarynan mátindik nemese FaceTime habarlamalar alsa, ózinen úlkenderden, ıaǵnı óz ata-analarynan eleketrondyq hattar men qońyraý túrinde túsetin habarlamalardy jıi qabyldaıdy.
Sonymen qatar bul jastaǵy adamdar jumysbasty jáne basshylyq qyzmette bolǵandyqtan jumys babynda da messendjerler men elektrondyq poshta arqyly kóptegen aqparat alady. Ǵalymdardyń zertteýinshe bul habarlamalarǵa jaýap berý úshin ǵana aptasyna altyn ýaqyttyń 72 saǵaty ketetin kórinedi.
Mine, H býynnyń ınternetke baılanǵany, onyń ishinde smartfonnan bas almaıtyny osydan belgili bolyp otyr. Álbette, barlyq orta jastaǵylar mundaı emes shyǵar. Biraq kópshiliginde osyndaı daǵdy bar deýge ábden negiz bar.
Solaı desek te, H býynnyń basqalardan artyqshylyǵy da bar. Smartfonǵa dybystyq belgi berip, kele qalǵan árbir habarlamany teksere qoıaıyn degen qulshynys adamnyń psıhıkalyq densaýlyǵyna keri áserin tıgizeri sózsiz. Al, endi áleýmettik jelilerdegi ósek-aıań men oıyndar týraly áńgime múlde bólek. Smartfonyn bir jerge qaldyryp ketse, baıbalam salyp, ábiger bolyp qalý da qaı-qaısymyz úshin qıyn másele bolyp tur. Osylaısha, gadjetke baılaný ońaı emes másele bolsa, odan zardap shegip, zııan kórip jatqandardyń jaǵdaıy tipten qıyn bolýda.
Osy jaǵynan kelgende H býyn ózinen keıingi Ú jáne Z býyndarǵa qaraǵanda áldeqaıda tózimdi ekendikterin kórsetip, anaý-mynaý psıhıkalyq aýytqýshylyqtarǵa boı bermeıtin kórinedi.
