«2019 jyly áleýmettik mańyzy bar azyq-túlik taýarlarynyń baǵasy 10,4 %-dy qurady. Bıylǵy qańtar aıy men ótken jyldyń qańtaryn salystyrǵanda maýsymdyq baǵa ósimi 0,3%-ǵa ósti, bul - 2 esege az. Muny ótken jyldyń alǵashqy aıynda baǵanyń ósýimen baılanystyrýǵa bolady. Baǵanyń ósý sebepteri ákimdikterdiń durys baǵa monıtorıngin jasamaǵandyqtan bolyp otyr», - dedi Baqyt Sultanov.
Mınıstrdiń aıtýynsha, ótken jyly barlyq óńirlerde shekti baǵadan asyp túsken 67 jaǵdaı tirkelgen. Alaıda birde-bir ákimdik ruqsat etilgen shekti baǵany turaqtandyrý boıynsha rásimder qabyldamaǵan.
«Bıylǵy jyldyń qańtar aıynda shekti baǵadan asyp ketken 7 jaǵdaı qaıta tirkeldi. Alaıda ákimdikterden áli de reaksııa joq. Mysaly, Qostanaı oblysynda áleýmettik mańyzy bar azyq-túlik taýarlary baǵasynyń tómendeýine qaramastan, taýyq eti men jumyrtqa baǵasynyń 0,7 %-ǵa artýy baıqalady», - dedi ol.
