Qys qaharyna mingeli «Kókshetaý» memlekettik ulttyq tabıǵı parkiniń qyzmetkerleri orman alqabyndaǵy jabaıy janýarlar men ań-qustarǵa astaý jasap, jem-shóp jetkizýdi udaıy júrgizip keledi. Bıotehnıkalyq is-sharalardyń nátıjesinde aımaqtaǵy ań-qustyń sany anaǵurlym artqan.
– «2007 jyldan beri jumys isteımin. Qys qıyndyǵynan qysylǵan, azyqsyz qalǵan ań-qusty qoryp kelemiz. Qorektenýge arnalǵan alańqaılar salyp alǵanbyz. Jazda jiti qımyldap, 40 myń aǵash japyraǵynyń týmasyn, 42 tonna jem-shóp ázirlegenimiz jaqsy bolypty»,– deıdi bas ormanshy Alekseı Lı.
Sońǵy úsh jyldaǵy ulttyq park aýmaǵynda ań aýlaýǵa jarııalanǵan moratorııge baılanysty óńirde brakonerdiń myltyǵynyń qaraýylyna ilikpegen ań-qus kóbeıip keledi. Tabıǵaty tamyljyǵan ólkede elik, maral, dala dońyzy, túlki men qoıan, ózge de ań-qustyń júzdegen túri meken etedi.
– «Bizdiń Jylandy ormanshylyǵynyń alqaptarynda jabaıy ań-qusqa apta aralatyp jem-shóp salamyz. Qardyń qalyńdyǵy janýarlardyń azyq tabýyna qıynshylyq týdyryp otyr», – deıdi «Kókshetaý» memlekettik ulttyq tabıǵı parki Zerendi fılıalynyń dırektory Kúshpaı Buqanov.
Ań-qusty aman alyp qalý paryz. Bul oraıda ormanshylardyń isi ońdy.
Aqmola oblysy.
