Asqar Isabekuly eń aldymen jasyl jelektiń kólemin múmkindiginshe ulǵaıtýdy jáne onyń oblys ortalyǵy aýmaǵynda bolýyn nemese barynsha taıaý ornalasýyna nazar aýdartty. Sebebi ol tek tarazdyqtardyń tabıǵı demalys orny ǵana emes, bolashaqta qalanyń «ókpesine» aınalýy tıis. О́ńir basshysy aǵash egiletin alqaptarda mindetti túrde sý máselesi sheshilý kerektigine kóńil bóldi.
Aıta keteıik, aımaq basshysy buǵan deıin bul baǵytta jumystardy júıeleý úshin joǵarydaǵy máselelerdi eskere otyryp jaýapty tulǵalarǵa naqty tapsyrmalar júktegen bolatyn. Ol úshin bos jerlerdiń múmkinshilikterin jan-jaqty zerdeleýge arnaıy mamandar tartý kerektigin, aǵash kóshetterin daıyndaıtyn jańa tálimbaqtar qurý, qoldanystaǵy tálimbaqtyń aýmaǵyn arttyrýdyń mańyzdylyǵyna toqtalǵan-dy.
Atalǵan jıynda aımaq basshysynyń tapsyrmasyna oraı atqarylyp jatqan jumystardy baıandaǵan oblystyq tabıǵı resýrstar jáne tabıǵat paıdalanýdy retteý basqarmasynyń basshysy Aslan Orazbekov jasyl beldeý boıynsha barlyǵy 7 aýmaqtyń tandalyp alynǵandyǵyn tilge tıek etti. Ol Taraz qalasynan jalpy 395 gektardy quraıtyn 6 aýmaq, Jambyl aýdanynan 50 gektarly 1 aýmaq boıynsha jumystar júrgizilip jatqanyn jetkizdi. Atap aıtsaq, Súleımenov kóshesiniń aıaǵyndaǵy 28 gektar jerdi tıimdi ıgerý, kóshet egý jumystary aqpan aıynyń sońynda bastalmaq. Qazirgi tańda sý kózderi anyqtalyp, kanaldardan sý tartý sharalary saralanýda. Al «Taraz bylǵary aıaq kıim» JShS janyndaǵy 103 gektar aýmaqty tegisteý, sý júıelerin júrgizý úshin arnaıy jospar túzilýde.
Búginde atalǵan jerlerge otyrǵyzylatyn kóp jyldyq qaraǵash kóshetteri daıyndalýda. Sondaı-aq Taraz-Asa jol boıyndaǵy «Taraz metallýrgııa zaýyty» men «Jambyl GIPS» zaýyty aýmaǵyndaǵy 72 jáne 23 gektar jerler de aldaǵy ýaqytta jasyl jelekke aınalmaq. Onyń birin aryq tartý arqyly, ekinshisin artızan qudyǵyn qazý arqyly sýǵarý kózdelýde. Basqa da tańdalǵan ýchaskelerde tıisti sharalar atqarylýda.
Asqar Isabekuly jospardaǵy jasyl beldeýdiń kólemin ulǵaıtý, qalaıda 500 gektarǵa jetkizý kerektigine kóńil bólip, ol úshin atalǵan aýmaqtardyń mańyndaǵy jekemenshik jerlerdi de qosý múmkinshiligin zerdeleýdi tapsyrdy. Eger tıimdi paıdalanylmaı otyrǵan bolsa memleket menshigine qaıtarý nemese balamaly jer ýchaskesin usyný máselelerin qarastyrýdy júktedi. Jıyn qorytyndysy boıynsha tıisti tulǵalarǵa naqty tapsyrmalar júktelip, hattama toltyryldy.
