«О́ńirlerde jobalardy sapasyz josparlaý problemasy bar. Bastapqyda qoıylǵan maqsat kútken nátıjege saı kelmeı qalǵan tustar kezdesti. 2020 jylǵa arnalǵan jańa jospar atalǵan problemalardy eskere otyryp jasaldy. Memlekettik hatshymen bekitilgen ol 122 bólimnen turady», - dedi Dáýren Abaev.
Mınıstrdiń aıtýynsha, jospar negizgi úsh baǵytta júzege asyrylady.
«Sapa kóteriler degen senimdemiz. Bólimderdiń sanyn eki ese qysqarttyq. Jospar negizgi úsh baǵytta júzege asyrýdy kózdeıdi. Birinshisi – jeke damý. Ekinshisi – ulttyq biregeılik pen halyqaralyq tanystyrylym. Úshinshisi – memlekettiń, azamattyq qoǵam men jergilikti qoǵamdastyqtardyń damýy. Buǵan deıin aıtqanymdaı, bıyl qujat boıynsha sharalar legi eki ese qysqardy. Osy sharalardyń úshten biri ǵana forýmdar men festıvaldardan, saıystar men konferensııalardan turady», - dedi Dáýren Abaev.
