«Almaty - Qazaqstannyń ońtústik astanasy ǵana emes, sonymen birge, Qazaqstannyń jáne búkil Ortalyq Azııanyń allergııalyq astanasy bolýy múmkin» dedi Respýblıkalyq allergııa ortalyǵynyń jetekshisi Taıyr Nurpeıisov Almatyda jýrnalıstermen kezdesken kezde.
Dárigerdiń túsindirýinshe, munyń sebep-saldary tym kóp. Jaz uzaq, qys qysqa. Qys, sýyq merziminiń qysqa ýaqytpen shektelip qalýy ósimdikterde allergııany qozdyratyn nano-bólshekterdiń múldem qýrap ketýine jol bermeıdi. Qystan qýrap qalmaı, kóktemge jetkenderiniń ózderi adam boıyndaǵy allegrııany qozdyryp jiberetin núkteni ashyp jiberýge jarap tur. Sonymen bir mezgilde adam boıyndaǵy allergondardyń kózin ashyp, qozdyryp jiberetin jýsannyń 20 túri Almatyda ósedi.
«Almaty men Almaty oblysynda jýsannyń 20-dan astam túri gúldeıdi. Olardyń kópshiligi bizde ǵana gúldeıdi. Eger jýsan strategııalyq resýrs bolsa, onda Almaty Kýala-Lýmpýr bolar edi. Tozań óte qubylmaly, nanobólshekteri bar, tozań qar erigen soń da aýaǵa túse alady» dedi allergolog.
Munyń bárine ne isteý kerek ekendigi jáne ósimdikterdegi nanobólshekterdiń aýaǵa tarap ketpeýiniń aldyn qalaı alarymyz ázirge belgisiz. Eýropada allergııaǵa shaldyqqan adamdardyń quqyn qorǵaıtyn jumys toptary, qoǵamdyq qorlar bar. Olar kógaldardyń, gazondardyń ornyna adamnyń densaýlyǵyna áser etpeıtin tastar tóselsin, qoǵamdyq oryndarǵa gúl egýdiń aldynda onyń quramyndaǵy allergondardyń quramyn teksersin dep talap qoıyp jatady. Sebebi Almatydaǵy gúlzarlardyń basym kópshiligi aınalasyna kórik berip, qýanysh syılasa, ekinshi biriniń allergondaryn qozdyryp, tynysyn taryltyp jatady. Esitýimizshe, mundaı zań jobasy bizdiń elde de qarastyrylyp jatqan kórinedi.
Sonymen bizde zardap shegýshilerdiń kópshiligi ınternetten «jýsan allergııasyn emdeý» úshin aqparat surap, ınternetten em izdep, allergııany emdeýdi jón sanaıdy.
Ázirge allergııadan qulantaza aıyǵyp shyǵýǵa múmkindik beretin em túri joq. HH ǵasyr allegerııany «ǵasyr derti» dep tirkedi.
HHI ǵasyrda da derttiń bul túri óziniń «erekshe mártebesinen» aıyrylyp qalǵan joq. Almaty sonyń kósh basynda tur.
ALMATY
