Medısına • 10 Aqpan, 2020

Koronavırýsqa em tabylmaı tur

27 ret kórsetildi

Indet bastalmaı jatyp jańa vırýs qaýpi baryn habarlaǵan qytaılyq oftalmolog Lı Venlıan koronavırýsten qaıtys boldy. Ýhan dárigerleri áriptesteriniń ómiri úshin kúreskenimen, ony qutqarý múmkin bolmady. Osymen 600-den astam adamnyń ómirin qıǵan vırýsqa em áli tabylmaı otyr.

 

Dárigerge qatysty aqpa­rat­ty  alǵash bolyp Qytaıdyń aǵylshyn tilinde shyǵatyn Global Times gazeti habarlady. Alaı­da biraz ýaqyttan keıin habar­lamany óshirip, ony joq­qa shyǵardy. Odan keıin aýrý­hana áleýmettik jelidegi paraq­shasynda aqparatty rastady.

34 jastaǵy dáriger jeltoq­sannyń aıaǵynda ózi qyzmet etetin Ýhan qalasyndaǵy aýrý­hanaǵa birdeı dıagnozben 7 naýqastyń túskenin baıqaıdy. Naýqastardyń barlyǵy – teńiz taǵamdaryn satatyn bazar qyz­metkerleri. Bul jaıtqa alań­daǵan Lı dostaryna habarlamalar jiberip, abaı bolýyn eskertedi. Jańalyq áleýmettik jelilerde tez tarap, kóp uza­maı polısııa qyzmetkerleri dá­rigerdi tergeýge shaqyryp, jal­­ǵan aqparat taratýǵa tyıym salady.

12 qańtarda dárigerdiń ózi de aýrýhanaǵa túsip, 1 aqpanda koronavırýs juqtyrǵany rastalady. Aýrýhana qyzmetkerleriniń málimetine súıensek, olar árip­testerin aman alyp qalýy úshin qoldan kelgenniń bárin istegen. Naýqastyń qanyn ottegimen qam­tamasyz etetin arnaıy qu­ral­dardan bastap, júrek soǵy­syn retteıtin arnaıy mashı­nalar qoldanǵan. Alaıda Lı Venlıan 6 aqpan kúni keshki 21:30-da jan tapsyrdy.

Qytaı úkimeti 2019-nCov vırýsyna qarsy qatań sharalardy qolǵa aldy. Úkimet meıramhanalarda úlken toptarmen jınalýǵa, toı, týǵan kún toılaýǵa tyıym saldy. Al Hanch­joý men Nanchan sııaqty iri qalalarda syrtqa shyǵatyn adam­­dardyń sanyna da shekteý qoı­­ǵan. Hýbeı provınsııasynda lıf­­tilerdiń jumysyn toqtatyp tastaǵan.

Naýqastar sanynyń kó­beıýine baılanysty bılik 10 kúnde 1000 adamǵa arnalǵan aýrýhana salýdy tapsyrdy. Ýaqtyly oryn­dalǵan tapsyrma da jaǵ­daıdy túzemedi. Ýhan aýrýhanalarynda oryn joq, onymen qosa medısınalyq quraldardyń jetispeýshiligi bar. Degenmen saqtyq sharalary qolǵa alynǵan. Áleý­mettik jelilerde medısına qyz­metkerleri úılerdi aralap, turǵyndardyń qyzýyn ólshep júr degen habarlar tarap jatyr. Tipti qala kóshelerinde adam­­dardyń júrýine ruqsat joq degen beınejazbalar da jelini shýlatty.

Álem de alańdaýly. О́ıt­keni shet memleketter de kún saıyn azamattarynan 2019-nCov ınfeksııasy anyqta­lǵa­nyn habarlaýda. Djon Hop­kıns ortalyǵynyń arnaıy derekkóziniń aqparatyna súıen­sek, álem boıynsha 37 547 adam ın­feksııa juqtyrǵan. 2701 adam emdelip shyǵyp, 813-i qaıtys bolǵan. Shet memlekett­erdiń ishinde Sıngapýr aýrý juq­tyr­ǵan azamaty eń kóp memleket bolyp otyr. Onda 40 adam tir­kelgen, al Taılandta – 32.

Bul vırýs Japonııany da áýrege saldy. Japonııa jaǵa­jaılaryna keletin laınerlerde koronavırýs juqtyrǵan azamattar anyqtalýda. Má­selen, Gonkongten shyqqan World Dream laınerinde bol­ǵan 3600 jolaýshynyń úsheýi vı­rýs juqtyrǵan bolyp shyq­ty, taǵy bir laınerde 60 adam baqylaýǵa alynǵan. Al Ioko­gama jaǵajaıyna kele jat­qan The Westerham laı­ne­rinde, aldyn ala málimet bo­ıynsha, 20 naýqastyń bary anyqtalyp otyr. Japonııa premer-mınıs­tri Sındzo Abe jolaýshylarǵa jaǵaǵa shyǵýǵa múm­kindik beril­meıtinin habarlady.

Pensılvanııa ýnıver­sıte­tine qarasty Juqpaly aýrýlar ortalyǵynyń professory Elızabet MakGroý koronavırýske qarsy vaksına ázir oılap tabylmaıtynyn aıtady. «Ǵajaıypqa senýdiń qajeti joq, vaksınany tez arada jasap shyǵarý múmkin emes. Bul indet kezinde shyqpasa da, daıyndap qoıǵan abzal. Al ázirge SARS vırýsyna qarsy vaksınany qol­danǵan durysyraq bolady», dedi.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar