Investısııa salymdarynyń basym bóligi ónerkásip jáne jyljymaıtyn múlik salalaryna tıesili. Negizgi ınvestısııalyq salymdardyń 85,3%-yn (376 mlrd 207 mln teńgeni) shaǵyn kásiporyndar júzege asyrǵan.
О́ńirlik kommýnıkasııalar qyzmetinde ótken brıfıngte osyndaı derekterdi keltirgen oblystyq statıstıka departamentiniń basshysy Aıdar Ábildabekov byltyr ónerkásip óndirisiniń kólemi — 498 mlrd 347 mln teńge bolyp, aldyńǵy jyldyń sáıkes kezeńimen salystyrǵanda 5,3%-ǵa artqanyn atap ótti.
Tıisinshe respýblıkadaǵy oblystyń ónerkásip ónim kólemindegi úlesi —1,7%. Al aýyl, orman jáne balyq sharýashylyǵy ónimderiniń jalpy kólemi ótken jyly 629 mlrd 816,2 mln teńge bolǵan, ıaǵnı 2018 jylmen salystyrǵanda 4,7%-ǵa artqan. Aýyl sharýashylyǵy ónimderiniń jalpy úlesi boıynsha oblys respýblıkada 3-shi oryndy ıemdendi.
