Bul – adaldyq pen ádildik úshin kúres

О́tken jyldyń jeltoqsan aıynda óńirlik partııa basshylarymen kezdesý barysynda Elbasy, Nur Otan partııasynyń Tó­raǵasy Nursultan Nazarbaev par­tııa múshelerine, partııanyń qu­rylymdyq organdary aldyna bir­qatar mańyzdy mindet qoıa otyryp, jemqorlyqqy qarsy kúres barlyq qazaqstandyqtyń min­de­ti ekendigin kóldeneń tartty. Tuńǵysh Prezıdenttiń sol joly Sybaılas jemqorlyqqa qarsy is-qımyl jónindegi qoǵamdyq keńesterdiń jumysyn kúsheıtýdi tapsyrǵany da málim. Soǵan saı, Nur Otan partııasynyń 2015-2025 jyldarǵa arnalǵan sybaılas jemqorlyqqa qarsy is-qımyl baǵdarlamasynyń jobalyq tanystyrylymynda partııa Tóra­ǵa­synyń birinshi orynbasary Baýyrjan Baıbek jyl saıyn sy­baılas jemqorlyqqa qarsy is-qımyl baǵdarlamasynyń oryndalýy týraly partııalyq baıandama jarııal­aıtyndyǵyn málimdegen edi. Partııa Tóraǵasy birinshi orynbasarynyń bul tujy­rym­da­masy qazaqs­tan­dyq­tar­dyń bo­ıyn­da sybaılas jemqorlyqqa degen tózimsizdik qalyptastyrýǵa zor yqpal eteri sózsiz ǵoı dep oı­laı­­myz.

Búginde sybaılas jemqor­lyq­qa qarsy kúres is-qı­myl­daryn tárbıe ju­mys­ta­ry­men ush­tastyra júrgizýge tıis­ti­miz. Jem­qorlyqqa qarsy kúres – ol tek qana kúdikti nemese aıypty bolǵannyń qolyna kisen salyp, túrmege toǵyta berý emes, ol eń áýeli adaldyq pen ádildik úshin kúres ekenin zerdelegenimiz jón. Bizde jemqorlyqtary úshin kimder ustalmady, kimder temir tordyń ar jaǵynda otyrmady? Jaǵdaı ońaldy ma? О́kinishke qaraı, iligip jatqandar qatary sırer emes. Mine, sondyqtan jemqor men paraqordyń qolyna salynar temir kisenniń kúshine ǵana emes, endigi arada kisiliktiń, adamnyń oı-sanasyna aqyl-parasat, ynsap pen qanaǵattyń sáýlesin túsiretin tárbıe men úgit-nasıhat jumystaryna jańa mazmun berýge tıistimiz. Abaı hakim aıtqan «Talap, eńbek, tereń oı, qanaǵat, raqym, oılap qoı – bes asyl is kónseńiz», degen qaǵıdany urpaq sanasyna sińire alsaq, búgingi toǵysharlyqtan, paıdakúnemdikten arylyp, sol Abaı aıtqan «paıda oılamaı, ar oılaıtyn» urpaq ósirý abzal mindetimiz bolsa kerek dep tolǵanamyz da!

Osy oraıda Sybaılas jem­qor­lyqqa qarsy kúres agent­tiginiń tóraǵasy Alık Shpekbaevtyń basshylyǵymen sala janynan úsh birdeı jańa departamenttiń qu­rylýy jáne de olardyń «Sy­­baılas jemqorlyqtyń aldyn alý», «Parasattylyq», «Se­rik­tes­tik» dep atalýlary ha­lyq­­­tyń jemqorlyq sııaqty jat áreketke qarsy kúrestegi bel­sendilikteri men azamattyq usta­nymdaryn arttyrar qadam ekendigin de aıtar edim. Sony­men birge Agenttik janynan Res­pýblıkalyq aqparattyq úgit-nasıhat shtabynyń qurylýy, onyń músheligine elimizdiń abyroıly da bedeldi el aǵalary men qaıratkerleriniń tartylýy Qa­zaq­­stan boıynsha jemqorlyqqa qarsy úgit, túsinik jáne nasıhat jumystarynyń jandana tú­sýi­ne yqpal eteri de sózsiz. Osy shtabtyń bir múshesi retinde mu­nyń tıimdi qural ekendigine tolyq senimdimin.

Osy jerde aıta ketetin bir jaıt, Nur Otan partııasy Aq­mo­­la oblystyq fılıalynyń Jem­­qorlyqqa qarsy qoǵamdyq keńesi óz jumysyn par­tııa­myz­dyń Tóraǵasy Nursultan Nazar­baev­tyń alǵa tar­typ otyrǵan min­det­terine saı uıymdastyrý úshin tyń izdenisterge barýda. Osy oraıda biz sybaılas jemqorlyqqa qarsy kúreske jalpy qoǵamdy, sonyń ishinde ásirese jastardy barynsha jumyldyra bilýge aı­ryqsha kóńil bólýdemiz. О́ıt­keni jastardyń boıynda jem­qorlyq pen paraqorlyqqa qarsy narazylyq pen tózbestik qa­lyp­ta­syp qalǵandyǵyn ańdaýǵa bolady.

Bul oraıda byltyrǵy jyldyń aıaǵynda Sybaılas jemqorlyqqa qarsy kúres agenttiginiń Aqmola oblysy boıynsha departament bas­shysy Marat Tóleýbaev ekeý­miz Shoqan Ýálıhanov atyn­da­ǵy Kókshetaý memlekettik ýnı­ver­sıtetiniń stýdent jastarymen kezdesip, ashyq pikir alysý alańynda salıqaly áńgime ótkiz­ge­nimizde jas býynnyń boıynan endigi arada qoǵamdy jemqorlyq keselinen aıyqtyrýǵa degen zor yntalary men erik-jigerlerin tanydyq. Sondaǵy taǵy bir qýan­ǵa­nymyz, jastar jemqorlyq áreketterdiń qoǵamǵa tıgizer zalalyn jaqsy biletindikterin jáne jemqorlyqqa qarsy uıym­das­ty­rylatyn kez kelgen is-sha­raǵa belsene qatysyp júr­gen­dikterin aıtty. Salıqaly oı-pikir aıtqan keı jastardy Departament basshysy qazirden bastap ózderimen árdaıym tyǵyz baılanysta jumys isteýge shaqyrdy. Belsendi jastardy biz de partııamyzdyń qataryna tartyp jatyrmyz.

Qazirgi ýaqytta Nur Otan par­tııa­synyń Aqmola oblys­tyq fı­lıaly qarapaıym azamat­tar­dyń problemalaryn sheshýdi uıym­das­tyratyn, ózekti jáne ótkir máseleler talqylanyp jatatyn ashyq alań bolyp qalyptasty deýge tolyq negiz bar. Jyl basynan beri ǵana 5,5 myń adam bizdegi qoǵamdyq qabyldaýdyń kómegine júgindi. Qazirgi ýaqytta sybaılas jemqorlyq máselesi boıynsha derbes «jedel jelini» qurý máselesi de qarastyrylyp jatyr. Eger bizge jemqorlyq áreketi jaıly shaǵymdar túsip jatsa, bizde oǵan jaýap qaı­ta­ratyn nemese jemqorlyq áre­ket­tiń aldyn alatyn aıqyn baǵ­da­rymyz bolýy kerek dep sanaımyz.

Nur Otan partııasy Aqmola oblystyq fılıalynyń tó­ra­ǵasy, oblys ákimi Ermek Mar­jyq­paevtyń basshylyǵymen ákim­dik janyndaǵy Sybaılas jem­qorlyqqa qarsy kúres komıs­sııa­nyń otyrystarynda óńirde qalyptasqan jaǵdaı jan-jaqty qaralyp turady. Bul oraıda Memleket basshysynyń talaptary árdaıym alǵa tartylady.Jemqorlyqqa qarsy kúres qoǵam­nyń jáne memlekettik qyzmet­ker­lerdiń basty mindetteri eken­dikteri atap kórsetilip, zań buzý­shylyq­qa eń áýeli olardyń ózderi jol bermeýi kerektigi talap etilip keledi.

Álqıssa, sóz barysynda Qa­zaq­stannyń barlyq qala­la­ry­nyń kóshelerine ilinip tastalǵan bılbordtardyń mazmunyn tereń­detý­di usynar edim. Mysaly, qazir elimizdiń búkil qalasy men eldi mekenindegi sol bıl­bord­tardaǵy «Paraǵa emes, bıikke umtyl!» nemese «Qolyńdy taza usta!» degen sııaqty sanany selt etkizbeıtin súlesoq ári jalań sózderdiń eshbir áseri joqtaı seziledi. Endigi bizdiń uran sózderimiz «Para berý de, para alý da – qylmys! О́z bolashaǵyńa balta shappa!», «Aryńdy taza usta!», «Jemqorlyq – súıegińe tańba! Urpaǵyńnyń keleshegin oıla!» «Para alsań, túbinde bir tutylasyń!», «Urlyq túbi – qorlyq!» degen sııaqty uǵymǵa jaqyn da áserli bir ulaǵatty oılardan quralsa ǵoı dep otyratynymyz da bar.

Búginde zaman aldymyzǵa jańa talaptar men mindetter qoıýda. Olaı bolsa, biz de, ıaǵnı el bolyp táýelsizdikke tóndirer qaýpi bar keselmen kúreske jappaı jumylaıyq!

Jabal ERǴALIEV,

Nur Otan partııasy Aqmola oblystyq fılıalynyń Jemqorlyqqa qarsy is-qımyl jónindegi qoǵamdyq keńesiniń tóraǵasy, Senatorlar keńesiniń múshesi

KО́KShETAÝ