Qabyldanǵan sharalar tıimdiligin kórsetýde

Genderlik teńdik, barlyq áıelder men qyzdardyń quqyq­ta­­ry men múmkindikterin ke­­ńeıtý, elimizdiń turaqty da­mý maqsattaryn iske asyrý jó­nindegi memlekettik stra­­­te­gııa­sy­nyń basty basym­dyq­tary. Otba­syn ny­ǵaı­tý­ǵa, otbasy-rý­hanı qun­dy­lyq­­tardy qalyp­tas­­ty­rý­ǵa, otba­syn­daǵy kemsitý men zorlyq-zom­by­lyq­ty joıýǵa baǵyt­talǵan baǵdarlamalyq qu­jat­­tardy iske asyrý boıyn­sha qa­jetti barlyq shara qa­byl­da­­nýda.

Qabyldanǵan halyqaralyq mindettemelerdi eskere otyryp, Qazaqstan Respýblıkasynyń 2025 jylǵa deıingi strategııalyq damý josparynda «Otbasylyq qundylyqtardy saqtaý jáne genderlik kemsitýge jol bermeý» mindeti bekitilgen jáne oǵan qol jetkizý boıynsha sharalar qarastyrylǵan. Barlyq mem­le­ket­tik ınstıtýttardyń, jurt­shy­­lyqtyń jáne úki­met­tik emes uı­ym­dardyń birlese atqarǵan ju­­mystary nátıjesinde Qa­zaq­standa áıelderge jáne ba­la­­larǵa qatysty zorlyq-zom­by­lyqqa qarsy kúres memle­ket­tik bıliktiń basty baǵyty bo­lýda.

Áıelderdiń quqyqtary týraly aqparattandyrýdyń deńgeıin arttyrý maqsatynda ishki ister organdarynyń áıelderdi zor­lyq-zombylyqtan qorǵaý jó­nin­degi bólinis qyzmetkerleri buqa­ralyq aqparat quraldary arqy­ly belsendi nasıhattaý ju­mysyn júrgizýde.

Joǵarǵy sottyń ınternet-re­­­sýr­­synda «Áıelderge ar­nal­­­­­­ǵan quqyqtyq kómek» at­ty ar­na­ıy bólim qu­ryl­ǵan. On­da áıelderge qa­ty­s­­­­­ty kem­­sitýshiliktiń barlyq ny­san­yn joıýǵa qatysty qa­jet­ti aqparattar ja­rııa­lan­ǵan.

Turmystyq zorlyq-zom­by­lyqqa qarsy is-qımyl­dar­dyń pármendi sharasy ákim­shi­lik ja­ýapkershilik ınstıtýty bo­lyp tabylady. Osy rette otba­sylyq-turmystyq qarym-qa­ty­nas­tar salasyndaǵy quqyq buzýshylyqtardyń profılaktıkasyna baǵyttalǵan zańnamalyq bazany jetildirý boıynsha da jumystar júzege asyrylýda. Endi polısııa qyzmetkerleri janjalqoılardy 1 aıǵa deıingi merzimde jábirlenýshimen baılanysyn shekteı alady. О́z kezeginde quqyq buzýshylardyń minez-qulqyna erekshe talaptar belgileý kezinde sottar da alkogoldik ishimdikter, esirtki quraldary men psıhotroptyq zattardy tutynýǵa tyıym salý túrinde shekteýler belgileıdi.

Degenmen turmystyq qyl­mys profılaktıkasy úki­met­­tik emes uıymdardyń múm­kin­dikterin qoldaný arqyly tıim­di bolatynyn kórsetti. Ákim­­dikterge tur­mys­tyq zor­lyq-zombylyq qur­ban­da­ry­na kómek kórsetý boıyn­sha ar­naıy uıymdar qurý, son­daı-aq memlekettik áleý­met­tik tapsyrys arqyly áleý­met­tik baǵdarlamalardy iske asyrýǵa qatysatyn úki­met­tik emes qurylymdardy qar­jy­landyrý ýákilettikteri berildi. «Arnaýly áleýmettik qyz­met­ter týraly» zańǵa sáıkes ómir­lik qıyn jaǵdaıda júrgen adam­ǵa (otbasyna) jáne tur­mys­tyq zorlyq-zombylyq kórgen já­birlenýshilerge atalǵan qyz­met­terdi bıýdjettik qarajat esebi­nen alýǵa múmkindik berilgen.

Stan­dart sheńberinde tur­mys­tyq zorlyq-zombylyq qur­­bandaryn ıdentıfıkasııalaý Áleýmettik beıimsizdikke jáne áleýmettik deprıvasııaǵa ákep soqqan qatygezdik qarym-qa­tyn­astyń bar-joǵyn baǵa­laý krı­terııleri negizinde aı­­qyn­da­lady. О́mirlik qıyn jaǵ­­­daı­da qalǵan balalarǵa je­­del qu­qyqtyq jáne psı­ho­lo­gııa­lyq kómek kórsetý úshin táý­lik boıy «150» biryńǵaı te­lefondyq jelisi jáne Qazaq­stan Respýblıkasyndaǵy bala quqyqtary jónindegi jedel ýákildiń táýlik boıǵy «111» call-centre qyzmeti jumys isteıdi.

«Áıelderge qatysty zor­lyq-zombylyqsyz 16 kún» aksııasy sheńberinde quqyqtyq den qoıýdyń tıisti sharalaryn qabyldaı otyryp, polısııa organdarynda esepte turǵan, onyń ishinde otbasylyq-turmystyq salada jáne qolaısyz otbasynda quqyq buzýshylyqtarǵa beıim adamdardy tekserý júzege asyrylady.

Ishki ister mınıstrliginiń joǵary oqý oryndary bazasynda turmystyq zorlyq-zombylyqtyń jolyn kesý, adam saýdasy, jezókshelik profılaktıkasy jáne oǵan kámeletke tolmaǵandardy tartýdyń aldyn alý máseleleri zerdelenedi.

Qazirgi ýaqytta, Memleket basshysynyń 2019 jylǵy 2 qyr­kúıektegi «Syndarly qo­ǵam­­dyq dıalog – Qazaqs­tan­nyń turaqtylyǵy men órken­deýiniń negizi» atty Qazaq­­stan halqyna Joldaýyn iske asyrý sheńberinde Ishki ister mınıstrligi «Qazaqstan Res­pýblıkasy Ákimshilik quqyq buzýshylyqtar týraly ko­­deksi­ne» otbasylyq-tur­mystyq qarym-qatynastar sala­syn­daǵy zańǵa qaıshy is-áre­ket­ter úshin jaýapkershilikti kú­sheıtýge baǵyttalǵan túzetýler ázirledi.

Maqsat BAIBOLOV,

Ishki ister mınıstrligi Ákimshilik polısııa komıtetiniń tóraǵasy