Aqmola oblysynyń qarjy polıseıleri baǵasy birneshe ese qymbat janar-jaǵar maıdy satyp almaq bolǵan sheneýnikterdiń jolyn kesti. Bul týraly oblystyq qarjy polısııasynyń aǵa ınspektory Olga Tıssenniń sózine súıengen «24» telearnasy habarlady.
Basynda «Sandyqtaý» aýdany aýyl sharýashylyǵy jáne jer qatynastary bólimi» memlekettik basqarmasy tonnasyn 440 myń teńgeden Aı-92benzınin satyp alýǵa konkýrs jarııalaıdy. Tabıǵı básekelestikti retteý agenttiginiń málimeti boıynsha, bul kezde atalmysh maıdyń bir tonnasy 148 myń teńge turǵan. Mekeme jalpy somasy 1mlrd. 672 mln. teńgege 3 800 tonna otyn satyp almaqshy bolǵan. «Osylaısha 1 mlrd. teńgege jýyq bıýdjet qarjysyn talan-taraj etý aldyn ala josparlanǵan», deıdi Olga Tıssen.
Sultan Bozaıǵyr.
