Qazaqstanda tamyz aıynyń 5-i men 9-y aralyǵynda QR aýdandyq mańyzy bar qala, aýyldyq okrýg, aýyldyq okrýg quramyna kirmeıtin kentter men aýyldardyń ákimin saılaý naýqany ótti. Olarda 2454 ákim saılandy. Bul týraly búgin Prezıdent janyndaǵy ortalyq saılaý komıteti baspasóz máslıhaty barysynda tóraǵa Qýandyq Turǵanqulov habarlady.
«Bıyl 5-9 tamyz aralyǵynda respýblıkanyń 14 oblysynda QR aýdandyq mańyzy bar qala, aýyldyq okrýg, aýyldyq okrýg quramyna kirmeıtin kenter men aýyldardyń 2457 ákimniń saılaýy ótti. Barlyǵy 2454 ákim saılandy», - dedi ol.
Ortalyq saılaý komıtetiniń tóraǵasy saılaý naýqany barysynda ákimdikke barlyǵy 7173 kandıdattyń usynylyp, 6738-i tirkelgenin atap ótti.
«Daýys berý bıýlletenderine 6403 kandıdattyń aty-jóni engizildi. Ortasha eseppen 1 ákim laýazymyna ekiden asa úmitker qatysty. Saılaýǵa respýblıka boıynsha daýys berýshilerdiń 98,3 paıyzy qatysty. Saılanǵan ákimder korpýsynda 23 ulttyń ókili bar», - dedi Q.Turǵanqulov.
Komıtet tóraǵasy ákimdik qyzmetke 280 áıeldiń saılanǵanyn aıtty. Bul barlyq saılanǵandardyń 11,4 paıyzyn quraıdy. Osylaısha Pavlodar, Ońtústik Qazaqstan jáne Aqtóbe oblystarynda áıel ákimderdiń qatary 6 paıyzǵa ulǵaıdy.
«Ákimderdiń orta jasy – 47. Olardyń arasyndaǵy eń úokeni 55-te. Tutastaı alǵanda, ákimder quramy jasardy. Eń jas ákim Pavlodar oblysynyń Pavlodar aýdanyndaǵy Jańǵar aýyldyq okrýginde tirkeldi. Ondaǵy jańa ákimniń jasy 25-te», - dedi komıtet tóraǵasy.
Sáken Maılybaı.
