Qazaqstan Respýblıkasynyń Prezıdenti N.Á.Nazarbaevtyń aýdandyq mańyzdaǵy qalalar, selolyq okrýgter, selolyq okrýgterdiń quramyna kirmeıtin poselkeler men selolar ákimderi saılaýynyń qorytyndysy boıynsha Úndeýi
Qurmetti qazaqstandyqtar!
Qymbatty otandastar!
Men sizderdiń bárińizdi el ómirindegi mańyzdy qoǵamdyq-saıası oqıǵamen quttyqtaımyn!
2013 jylǵy tamyzdyń 5-inen 9-na deıin táýelsiz Qazaqstan tarıhynda alǵash ret jergilikti bılik organdary basshylarynyń saılaýy tabysty ótti. Balamaly negizde máslıhattar aýdandyq mańyzdaǵy qalalardyń, selolyq okrýgterdiń, selolyq okrýg quramyna kirmeıtin poselkeler men selolardyń ákimderin saılady. Bul eldegi búkil ákimderdiń 91 %-dan astamy. Barlyǵy 7 mıllıon 632 myń qazaqstandyq turatyn aýdandyq mańyzdaǵy qalalardyń, selolyq okrýgterdiń, poselkeler men selolardyń 2454 ákimi saılandy.
О́zderińiz biletindeı, osy saılaýdy ótkizý týraly bastamany men «Qazaqstan-2050» Strategııasy týraly halyqqa Joldaýymda kóterdim. Saılaý jas qazaqstandyq demokratııanyń mańyzdy jetistigine aınaldy. Olarǵa shamamen 7 myńdaı kandıdat qatysty. Eger buryn ákimder taǵaıyndalsa, búginde olar alǵash ret saılandy. Jáne ony qazaqstandyq saılaýshylar ózderiniń attarynan is-qımyl jasaýǵa joǵary senim kórsetken halyq ókilderi – máslıhattar depýtattary zańdy negizde sanaly jáne jaýapkershilikpen júzege asyrdy.
О́tken saılaý barysyna bedeldi jurtshylyq ókilderi baqylaý jasady. Qoǵam qaıratkerleriniń bastamasy boıynsha Saılaýdy qadaǵalaý jónindegi respýblıkalyq qoǵamdyq komıssııa qurylyp, tabysty jumys júrgizdi. Baqylaýshylar elektoraldyq naýqan men saılaý barysynda aıtarlyqtaı burmalaýshylyqtardyń tirkelmegenin atap kórsetti. Saılaý ashyq, móldir boldy jáne qoldanystaǵy zańnamalar normalary men qazirgi zamanǵy demokratııalyq tájirıbege tolyqtaı sáıkesti.
Jergilikti ákimderdi saılaýdyń «Qazaqstan-2050» Strategııasyn júzege asyrýdy bastaýdyń dál birinshi jylynda ótýiniń de nyshandyq máni bar. Bul bizdiń XXI ǵasyrǵa arnalǵan basty strategııalyq josparlarymyzda belgilengen Qazaqstan úshin taǵdyrsheshti maqsattar men mindetterdi satylap júzege asyrýǵa bizdiń tereń berilgendigimizdi beıneleıdi.
Qurmetti qazaqstandyqtar!
Jergilikti ózin-ózi basqarý – Qazaqstan Respýblıkasy konstıtýsııalyq qurylymynyń bazalyq negizderiniń biri. Onyń odan ári tıimdi qalyptasýyndaǵy taıaýdaǵy jáne uzaq merzimdi mindetter men bekitken Qazaqstan Respýblıkasynda Jergilikti ózin-ózi basqarýdy damytý tujyrymdamasynda belgilengen. Olardy birizdilikpen sheshý tómengi deńgeıdegi basqarý júıesiniń sapasyn aıtarlyqtaı arttyrýǵa jaǵdaı jasaıdy. Osy tujyrymdamany júzege asyrý úshin de saılaýdy tabysty ótkizý qamtamasyz etildi.
Meniń budan bylaı azamattarmen betpe-bet jumys isteıtin jáne problemalardy jergilikti jerlerde tikeleı sheshetin barlyq ákimderdiń saılanbalylyqpen qamtylǵanyn aıryqsha atap ótkim keledi. Bul jergilikti ákimder qyzmetine azamattyq baqylaýdy kúsheıtý úshin múmkindikterdi ulǵaıtady, sondaı-aq árbir jekelegen aýmaqtyq qoǵamdastyqtaǵy ahýalǵa máslıhattar men barlyq azamattardyń tikeleı yqpalynyń artýyna jaǵdaı jasaıdy. Osylaısha, saıası júıeni jańǵyrtý jolynda, qazaqstandyqtardyń jergilikti ózin-ózi basqarýǵa belsendi qatysý tájirıbesi men dástúrlerin keńeıtýde taǵy bir mańyzdy qadam jasaldy.
Jańa ákimderdiń meniń tapsyrmam boıynsha tıimdi jumys isteýi úshin bıylǵy jyly jergilikti bılik organdarynyń múmkindikteri aıtarlyqtaı kúsheıtildi. Búginde olar tıimdi jumys júrgizý úshin qajetti barlyq materıaldyq-qarjylyq jáne kadrlyq resýrstarǵa ıe. Atap aıtqanda, jergilikti ákimderge áleýmettik salada qosymsha ókilettikter berildi. Bıylǵy jyly kúshine engen jańartylǵan zańnama boıynsha olarǵa zań júzinde 67 fýnksııa bekitilip berildi, onyń ózi is júzinde jergilikti mańyzdaǵy barlyq kókeıkesti máselelerdi derbes jáne jaýapkershilikpen sheshýge múmkindik beredi. Biraq bul sonymen bir mezgilde ákimderdiń otandastary men memleket aldyndaǵy asa zor jaýapkershiligi de!
Ár ákim ony tolyq sezinip, óz mindetterin abyroımen jáne laıyqty atqaryp, adal da sh
