Almaty oblysynda sheteldikterdi zańsyz jolmen jumysqa tartyp kelgen eki zaýyt basqarýshysy qolǵa tústi. Bul týraly oblystyq ishki ister departamentine silteme jasaı otyryp BNews.kz tilshisi habarlady.
«Almaty oblysynda eki kirpish shyǵaratyn zaýytta sheteldik azamattar zańsyz túrde jumysqa tartylǵan. Ol zaýyttar Almaty oblysyndaǵy Qarasaı jáne Jambyl aýdandarynda ornalasqan, qazir olardyń qyzmeti tergeýge baılanysty toqtatyldy», - dedi ishki ister departamenti baspasóz qyzmetiniń jetekshisi Kóbeıhan Nurahmet.
Onyń habarlaýynsha, polısııa zaýyttardyń basqarýshylaryn, ıaǵnı jergilikti turǵyn bolyp tabylatyn eki adamdy qolǵa túsirgen.
«Olarǵa qatysty qylmystyq is qozǵaldy. Ustalǵan azamattardyń biri 20 sheteldik adamdy zańsyz jumysqa tartsa, ekinshisi 3 adamdy zańsyz jolmen jumys istetken», - dedi ol.
Sultan Bozaıǵyr.
