Aqtaý qalasynda turatyn ónertapqysh Sáttibaı Dúısenbaev ólsheýsiz mólsherde elektr qýatyn óndirip berýge qabiletti máńgilik dvıgateldi oılap tapqanyn jarııalap otyr. Bul týraly «Týmba» ınternet-portaly habarlady.
Jańa dvıgateldiń jumysy úshin máshıne maıy bolsa jetip jatyr.
«Dvıgatel eki qalaqsha ornalasqan valdan quralǵan. Olar ózderiniń jeke salmaqtarynyń áserinen qozǵalady. Valda sondaı-aq berilis qorapshasyn aınaldyratyn shynjyr bekitilgen shesternıalar bar. Qurylǵy tok óndiretin generatorǵa jalǵanǵan», - dep sýretteıdi ónertapqysh óziniń buıymyn.
Muratty jannyń sózine qaraǵanda, máńgi dvıgateldiń jumys qaǵıdaty kádimgi munaı aıdaıtyn teńselme qaýǵalardyń tirligine kelińkireıdi eken.
Apparattyń shyǵyny da aıtarlyqtaı az. «Men eseptep kórdim, ony daıyndap shyǵý úshin 750 myń teńge ǵana kerek. Keıin muny osynyń da jartysyna istep berýge ýáde etken kisiler tabyldy. Al meniń ózimde mundaı aqsha joq. О́kinishti», - dedi Dúısenbaev.
Alaıda, jergilikti bılik máńgilik máshıneni jasap shyǵýǵa kómekke kelýge asyǵar emes. О́nertapqyshtyń oıyn júzege asyrýǵa yntyq demeýshiler de kórinip turǵan joq.
Sultan Bozaıǵyr.
