Shotlandııanyń «Seltık» fýtbol komandasynyń bas jattyqtyrýshysy Nıl Lennon búgin, 10 tamyz kúni komandasy Dýblınde «Lıverpýlmen» joldastyq kezdeser aldynda taıaý kúnderde Qaraǵandynyń «Shahterimen» ótetin oıyn týraly da oıyn bildire ketti. Bul týraly Vesti.kz habarlady.
«Bizge buryn belgisiz bolǵan qarsylas tap keldi. Biraq biz múmkindigi bolǵansha qajetti aqparatty kóbirek jınap, bul olqylyqtyń ornyn tez toltyrýǵa tyrysamyz», - dedi Lennon. Bapkerdiń aıtýynsha, ony Qazaqstanǵa jetkizetin uzaq jolǵy sapar seskendiredi. «Logıstıkalyq turǵydan qaraǵanda, alystaǵy Astanaǵa sapar shegý bizge sumdyq qıyn nársedeı kórinedi. Biz chempıonattyń birinshi matchyn 17 tamyz, senbi kúni «Aberdınmen» ótkizemiz. Sosyn, bálkim, birden Qazaqstanǵa ushatyn shyǵarmyz», - dedi taǵy ol.
Eske sala keteıik, pleı-offttyń birinshi kezdesýin Qaraǵandynyń «Shahteri» 20 tamyz kúni Astanadaǵy «Astana-Arena» sport kesheninde osy komandamen ótkizedi. Al bir aptadan keıin komandalar Glazgoda qarymta matchta bas qosady.
Damır Qojamqul.
