Qyzylordada balasynyń kózinshe anasyn óltirgen 35 jastaǵy azamat 16 jylǵa sottaldy. Bul týraly oblystyq sottyń baspasóz qyzmetinen habarlady.
«Qyzylorda oblysynyń qylmystyq ister jónindegi mamandandyrylǵan aýdanaralyq soty Qylmystyq kodekstiń 96-baby 2-bóligi «d» tarmaǵymen kináli dep tanylǵan asa qatygezdikpen adam óltirgen bul azamatqa qatysty sot úkimin jarııa etti», - delingen habarlamada.
Sottalýshy B. óziniń kórshisi marqum bolǵan azamatsha S.-nyń úıine kelip, qaryzǵa 1500 teńge aqsha suraǵan.Úı ıesi tek 500 teńge ǵana beredi. Buǵan kóńili tolmaǵan B. áıelmen janjaldasyp qalady. Osy jerde álimjettik kórsetken sottalýshy úı ıesiniń kámeletke tolmaǵan ulyn bir uryp jyǵyp, as úıden pyshaq alyp keledi. Onymen úı ıesi áıeldi soǵady. Osy sátte anasynyń qansyrap jatqanyn kórgen jasóspirim qolyna aǵash oqtaý alyp, sottalýshynyń basynyń shúıde tusynan eki-úsh ret urady.
Alaıda, B. Jasóspirimniń áreketin qaıtaryp tastap, jatyn bólmege qashyp bara jatqan jábirlenýshi qýyp jetip, taǵy birneshe ret pyshaq salady.
Jábirlenýshi kámeletke tolmaǵan balasynyń kóz aldynda es jımastan qaıtys bolǵan.
Sóıtip, sottalýshy B. asa qatygezdikpen basqa adamǵa quqyqqa qarsy qasaqana qaza keltirip, kisi óltirgen.
Basty sot talqylaýynda sottalýshy B. ózine taǵylǵan aıypty ishinara moıyndaǵan.
Sot úkimi zańdy kúshine engen joq.
Qurysh Nurymbet.
