О́skemen qalasynda turatyn 50 jastaǵy áıel óziniń 6 jasar ulyn sýǵa batyryp, aǵyzyp jiberýge áreket jasady. Bul týraly Altaynews.kz tilshisi habarlady.
Oqıǵa 10 tamyz, senbi kúni oryn aldy. Sol kúni tús kezinde 15 jasar jasóspirim polısııaǵa telefon shalyp, Ertis ózeniniń boıyndaǵy Kotlavanda áldeqandaı bir áıeldiń kishkentaı balany sýǵa tunshyqtyryp óltirmek bolyp jatqanyn jetkizdi.
Osy kezde sol mańaıda bir top jasóspirim balalar sýǵa túsip jatyr eken. Qońyraý shalǵan solardyń biri bolyp shyqty. Ol áıeldiń búldirshindi túrsıine deıin sheshindirip, sosyn qolynan jetektep, aryraq aparyp, sýǵa batyra bastaǵanyn baıqap qalady. Muny kórgen jasósipirim kóp oılanbastan, solarǵa qaraı tez júzip jetedi. Ol barǵan boıda jylap turǵan balany áıeldiń qolynan tartyp alyp, dereý «jedel járdemge» , tótenshe jaǵdaılar departamentine jáne polısııaǵa habarlasady.
Qazir áıel oblystyq psıhonevrologııalyq dıspanserde tekserilip jatyr.
Ázirge ol sodan keıin ózi de ómirmen qoshtaspaq bolǵan degen ǵana boljam bar.
Qurysh Nurymbet.
