Búgin, ıaǵnı tamyzdyń 13-ine qaraǵan túni Jer Perseıd meteorıtter shoǵyrynyń negizgi aımaǵyna kelgen kezinde aspannan juldyzdardyń japyrlap jaýyp jatqanyn anyq kórýge bolady. Bul týraly ITAR-TASS habarlady.
«Bul osy jylǵy juldyz jaýýdyń eń joǵary deńgeıi bolmaq», dep jazdy Brıtanııanyń «Bı-Bı-Sı» kórsetilim korporasııasy.
Osynaý erekshe áserli shaq Jer planetasy Svıft-Týttlıa kometasymen tustas kelgen kezde paıda bolady. Odan bólinip shyǵyp jatatyn muz bólikteri men usaq shańdar bizdiń planetamyzdyń atmosferasyna deıin jarqyrap janyp jetedi.
Brıtanııa astronomdary búgin túnde zeńgirdiń júzinde 100 usaq meteorıttiń janyp ótetinin aıtyp otyr. Ǵaryshtyq bul qoıylym keshki ińir túskennen bastalyp, tańsáride óziniń sharyqtaý shegine jetedi.
Belfast ýnıversıtetiniń professory Eýın Alen Fıszımmons málim etkendeı, «Svıft-Týttlıa kometasy Jerge sońǵy 2125 jyldan beri birinshi ret osynshalyqty jaqyndap keledi, biraq olardyń soqtyǵysy bolmaıdy». Ǵalymdar kometanyń ıadrosynyń dıametri 26 kılometr bolatynyn eseptep shyǵardy.
Murat Aıtqoja.
