Qarjy • 19 Aqpan, 2020

«Jasyl» jobalarǵa jol ashyq

33 ret kórsetildi

BUU Damý baǵdarlamasy elimizdiń Indýstrııa jáne ınfraqury­lymdyq damý mınıstrligimen jáne «Damý» kásipkerlikti damytý qory AQ-men birlesip, jasyl tehnologııalardy iske asyratyn kompanııalarǵa qarjylyq qoldaý kórsetýde.

Bul Qazaqstannyń shaǵyn jáne orta bıznesine arnalǵan jáne jasyl jobalardy damytýǵa sarapshylyq kómekti, banktik qarjylandyrýdy 10 paıyz mólsherinde sýbsıdııalaýdy, ınvestısııalyq shyǵystardyń 40 paıyzǵa deıin ótelýin jáne «Damý» qorynan nesıege kepildik berýdi qamtıdy.

«Banktik qaryzdyń ortasha mólsherlemesi 15% bolǵan kezde BUU Damý baǵdarlamasynan qar­jylyq qoldaý alýshyǵa arnalǵan mólsherleme 5%-dy quraıdy, bul EYDU elderindegi jobalardyń mól­sherlemesimen birdeı. Osy­laısha, óteý merzimderiniń qysqar­tylýy arqyly tómen kómirtekti bastamalar kásipkerler úshin tartymdy bola túsýde», dedi «Damý» qorynyń qaryz alý departamentiniń dırektory Meırambek Qalymbaev.

Qazirgi tańda bastama aıasynda 100 joba qoldaýǵa ıe boldy, onyń 36-sy iske asyryldy. Oǵan turǵyn úıler men qoǵam­dyq ǵı­marattar­dyń, týrıstik obek­ti­lerdiń energııa­­­lyq tıim­dili­gin arttyrý, zamanaýı ja­ryq­­dıod­ty jaryqtandyrýdy engizý, qa­zandyqtar men sorǵy qon­­dyrǵy­laryn modernızasııalaý, sonymen qatar energııamen jab­dyq­taý júıelerin jańǵyrmaly ener­gııa kózderine kóshirý jobalary kiredi.

«Júzege asyrylǵan jobalar­dyń nátı­jeleri kórsetkendeı, 1 teńge qarjylyq qoldaý 6 teńge mólsherinde ınvestısııa tartady jáne kommýnaldyq shyǵyndardy 30-40 paıyzǵa deıin únemdeıdi. Osylaısha, jasyl tehnologııalar bızneske tıimdi bolýmen qatar, parnık­tik gazdardyń shyǵarylýyn azaı­tady jáne qorshaǵan ortanyń jaq­sarýyna septigin tıgizedi. Bizdiń maqsatymyz – osy jetistikti búkil elge taratý», dedi BUU Damý baǵ­dar­lamasy Qazaqstandaǵy turaqty damý bóliminiń bastyǵy Arman Káshkinbekov.

Qazaqstanda eldi mekenderdegi kommýnaldyq ınfraqurylymnyń tozýy 65 paıyzdy quraıdy, sonyń saldarynan energııanyń 16 paıyzy, jylýdyń 20 paıyzy jáne sýdyń 60 paıyzy shyǵyn bolýda. Bul parnıktik gazdardyń shyǵarylýyn arttyrady jáne qorshaǵan ortanyń lastanýyn ulǵaıtady. Kómirtektiń áserin azaıtý úshin ǵımarattardyń energııa tıimdiligin arttyrý, zamanaýı jaryqdıodty jaryqtan­dyrý­dy engizý, qazandyq jáne sorǵy qondyrǵylaryn modernızasııalaý, sondaı-aq energııa júıelerin jańǵyrmaly energııa kózderine kóshirý sııaqty sharalar qajet. Mundaı sharalar parnıktik gazdyń shyǵarylýyn jylyna 20-30 mln tonnaǵa, SO2 azaıtýǵa múmkindik beredi, bul eldegi parnıktik gazdar shy­ǵyndarynyń 30%-yn quraıdy.

 

 

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Uqsas jańalyqtar