- Byltyr oblysta «Nurly jer», «7-20-25», «Baqytty otbasy» memlekettik baǵdarlamalary boıynsha júrgizilgen jumystyń nátıjesinde 2443 otbasy baspanaly boldy. Onyń ishindegi 1779 otbasy áleýmettik jaǵynan az qamtylǵan topqa jatady. Jalpy ótken jyly oblysta kóp balaly jáne az qamtylǵan otbasylardy turǵyn úımen qamtýǵa 40 mıllıard teńge bólinse, bıyl bul maqsatqa bıýdjetten 59 mıllıard teńge qarastyrylyp otyr. Úı kezegine tirkelgen turǵyndar arasynda 5527 kópbalaly otbasy jáne 20 myń áleýmettik qoldaýǵa muqtaj adam bar, dedi esepti baıandamasynda aımaq basshysy Amandyq Batalov.
Iаǵnı, oblysta turǵyn úı qurylysy bıyl da qarqyn almaq. Osy maqsatta 32, 6 mıllıard teńge qarjy bólý kózdelgen. Bul – arǵy jylǵa qaraǵanda 1,6 esege artyq. Al bólingen qarajat turǵyn úı salýǵa jáne ınjenerlik ınfraqurylymdy júrgizýge jumsalmaq. Qazir jalpy aýmaǵy 939 000 sharshy metr turǵyn qurylysy bastalǵan. Onyń 147,7 sharshy metri «Nurly jer» baǵdarlamasynyń enshisinde. Nátıjesinde barlyq baǵyt boıynsha 3600 otbasyn baspanamen qamtý múmkindigi týady. Osy lekpen 2400 kóp balaly jáne az qamtylǵan otbasyǵa da turǵyn úı alý baqyty buıyratyn bolady.
Aıtpaqshy, baspana muqtajdyǵyn sheshýge mesenattar da myqtap kirise bastaǵan eken. Almaty oblysyndaǵy bıznestiń áleýmettik jaýapkershiligi aıasynda kóp balaly jáne az qamtylǵan otbasylarǵa baspana satyp áperý isi kópke úlgi bolyp otyr. О́tken jyly qaıyrymdy jandar jeke qarjysyna 170 baspana satyp alyp, muqtaj otbasylaryna tartý etken bolatyn.
Al jaqynda osyndaı qýanyshqa qapshaǵaılyq 30 otbasy keneldi. Qapshaǵaı qalasynda «7-20-25» baǵdarlamasy boıynsha salynǵan «Teniz Towers» turǵyn úı kesheni qoldanysqa berilgen edi. Jetpis páterden turatyn jańa keshen óńirdegi baspana muqtajdyǵyn sheshýge baǵyttalǵan eńbektiń jemisi. Osy turǵyn úı keshinen 30 páterdi jeke qarjysyna satyp alǵan belgili kásipkerler – Bolat Ábilev pen Oraz Jandosov jańa úılerdi muqtaj jandarǵa syıǵa tartty.
Almaty oblysy
