QAZAQSTAN RESPÝBLIKASY PREZIDENTINIŃ JARLYǴY

Ortalyq memlekettik organdar men oblystardyń, respýblıkalyq mańyzy bar qalanyń, astananyń jergilikti atqarýshy organdary qyzmetiniń tıimdiligin jyl saıynǵy baǵalaý júıesi týralyOrtalyq memlekettik organdar men oblystardyń, respýblıkalyq mańyzy bar qalanyń, astananyń jergilikti atqarýshy organdary qyzmetiniń tıimdiligin arttyrý maqsatynda qaýly etemin: 1. Qosa berilip otyrǵan Ortalyq memlekettik organdar men oblystardyń, respýblıkalyq mańyzy bar qalanyń, astananyń jergilikti atqarýshy organdary qyzmetiniń tıimdiligin jyl saıynǵy baǵalaý júıesi bekitilsin. 2. О́zderine qatysty olardyń qyzmetiniń tıimdiligine baǵalaý júrgiziletin mynadaı memlekettik organdar aıqyndalsyn: 1) osy Jarlyqqa qosymshaǵa sáıkes ortalyq memlekettik organdar; 2) oblystardyń, respýblıkalyq mańyzy bar qalanyń, astananyń jergilikti atqarýshy organdary (budan ári – jergilikti atqarýshy organdar). 3. Baǵalaý 2010 jyldan bastalýy kerek pılottyq eki ortalyq memlekettik organ men oblystyń bir jergilikti atqarýshy organyn qospaǵanda, ortalyq memlekettik jáne jergilikti atqarýshy organdar qyzmetiniń tıimdiligine baǵalaý júrgizý 2011 jyldan bastap júzege asyrylsyn. 4. Qazaqstan Respýblıkasy Prezıdentiniń Ákimshiligi bir aı merzimde 2010 jyly baǵalaýǵa jatatyn memlekettik organdardyń tizbesin bekitsin. 5. Ortalyq memlekettik jáne jergilikti atqarýshy organdar qyzmetiniń tıimdiligine tıisti baǵyttar boıynsha baǵalaýǵa jaýapty memlekettik organdar Qazaqstan Respýblıkasy Prezıdentiniń Ákimshiligimen kelisim boıynsha úsh aı merzimde tıisti qorytyndylar daıyndaýdy qamtıtyn baǵalaý júrgizý ádistemesin ázirlesin jáne bekitsin. 6. Qazaqstan Respýblıkasy Ekonomıkalyq damý jáne saýda mınıstrligi Qazaq­stan Respýblıkasy Prezıdentiniń Ákimshiligimen kelisim boıynsha úsh aı merzimde or­talyq memlekettik jáne jergilikti atqarýshy organdar qyzmetiniń tıimdiligin jalpy baǵalaýdyń nátıjeleri týraly qorytyndynyń formatyn ázirlesin jáne bekitsin. 7. Qazaqstan Respýblıkasy Prezıdentiniń Ákimshiligi: 2010 jylǵy 1 jeltoqsanǵa deıin ortalyq memlekettik jáne jergilikti atqarýshy organdar qyzmetiniń tıimdiligine jyl saıynǵy baǵalaý júrgizýdiń kestesin bekitsin; kestege ózgerister men tolyqtyrýlar engizýdi ortalyq memlekettik jáne jer­gilikti atqarýshy organdar qyzmetiniń tıimdiligine jyl saıynǵy baǵalaý júr­giziletin jyldyń aldyndaǵy jylǵy 1 jeltoqsannan keshiktirmeı júzege asyrsyn. 8. Qazaqstan Respýblıkasynyń Úkimeti úsh aı merzimde oblystyq bıýdjetten, respýblıkalyq mańyzy bar qalanyń, astananyń, aýdandardyń (oblystyq mańyzy bar qalalardyń) jergilikti atqarýshy organdarynyń bıýdjetterinen qarjylandyrylatyn atqarýshy organdar qyzmetiniń tıimdiligine baǵalaý júrgizýdiń tártibin ázirlesin jáne bekitsin. 9. Jergilikti atqarýshy organdar 2011 jyldan bastap Qazaqstan Respýb­lı­kasynyń Úkimeti aıqyndaǵan tártippen oblystyq bıýdjetten, respýblıkalyq mańyzy bar qalanyń, astananyń, aýdandardyń (oblystyq mańyzy bar qalalardyń) jergilikti atqarýshy organdarynyń bıýdjetterinen qarjylandyrylatyn atqarýshy organdar qyzmetiniń tıimdiligine baǵalaý júrgizýdi qamtamasyz etsin. 10. “Qazaqstan Respýblıkasynyń memlekettik basqarý júıesin jańǵyrtý jónindegi sharalar týraly” Qazaqstan Respýblıkasy Prezıdentiniń 2007 jylǵy 13 qańtardaǵy № 273 Jarlyǵyna (Qazaqstan Respýblıkasynyń PÚAJ-y, 2007 j., № 1, 5-qujat; 2008 j., № 2, 22-qujat; 2009 j., № 35, 330-qujat) mynadaı ózgerister engizilsin: 2-tarmaqtyń 3) tarmaqshasy mynadaı redaksııada jazylsyn: “3) memlekettik basqarý organdary qyzmetiniń tıimdiligin keshendi baǵalaý;”; joǵaryda atalǵan Jarlyqpen bekitilgen Memlekettik basqarý júıesin jańǵyrtý jónindegi birinshi kezektegi is-sharalar josparynda: 7-tarmaqta: “jáne onyń aýdıti” degen sózder alyp tastalsyn; “Ortalyq jáne jergilikti memlekettik organdar” degen sózder “Ortalyq memlekettik jáne jergilikti atqarýshy organdar” degen sózdermen aýystyrylsyn. 11. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin. 12. Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2010 jylǵy naýryzdyń 19-y.  № 954 Tolyq mátini 300310-zan