Byltyr óńirde jedel izdestirý barysynda polıseıler mal urlyǵymen aınalysyp júrgen 52 barymtashyny qolǵa túsirgen. Barymtashylar 11 ret urlyqqa shyqqan. Jalpy sany 116 iri qarany urlaǵan 9 qylmystyq topty qolǵa túsirdi. Quny 30 mıllıon teńgeni quraıtyn 82 bas jylqy da bar. Polıseıler ótken jyly mal ıelerine jalpy quny 75 mıllıon teńgege teń 251 bas malyn qaıtaryp bergen.
Al barymtashylar bolsa, maldy jaıylymda júrgen jerlerinen alyp ketip otyrǵan. Urlanǵan maldy týystaryna, aýyl turǵyndaryna arzan baǵamen satady. Biraq bıyldan bastap barymtashylar men mal ıelerine jaza kúsheıdi. Barymtashylar jańa zań boıynsha 5 jyldan 10 jylǵa deıin bas bostandyqtarynan aıyrylýy múmkin.
Endi malyn qaraýsyz jibergen aýyldyqtar 3 aılyq eseptik kórsetkish kóleminde aıyppul tóleýge mindetteledi. Bul qarajat tórtinshi deńgeıli bıýdjet aıasynda aýyl bıýdjetine túsedi. Sondyqtan polısııa qyzmetkerleri aýyl turǵyndarynan maldyń joǵalǵanyn der kezinde habarlaýdy suraıdy.
О́tken jyldyń sońynda Aqtoǵaı aýdanynda 25 iri qara urlandy. Mal ıesi quqyq qorǵaý oryndaryna ýaqytynda habar bergenniń nátıjesinde, polısııa qyzmetkerleri joǵalǵan maldy Aqmola oblysy aýmaǵynan taýyp alǵan.
Ekinshiden, úlken joldarda, temirjol boıynda bos júrgen maldyń qatysýymen byltyr 89 jol-kólik oqıǵasy oryn alypty. Keıbir aýyl turǵyndarynyń maly esepke alynbaǵan soń, kólikke soǵylǵan mal ıesin anyqtaý qıyn.
– Sondyqtan, – deıdi polısııa mamandary, – bul jaılarǵa mal urlyǵynyń oryn alýyna durys anyqtama bermegen jergilikti ákimdik, veterınarııa salasy mamandarynyń da jaýapkershiligi qajet.
Iаǵnı, veterınarııa mamandary, ýchaskelik ınspektor, aýyl ákimderi birlesip, árbir úıdi aralap, maldy esepke qoıýy qajet. Qazir mal qorada turǵan kezde bul jumystardy jasap alǵan jón.
Pavlodar oblysy
