«Abaı oqýlary» Máskeýde de dástúrge aınalady

Máskeý qazaqtary men Qazaqstan elshiliginiń qyzmetkerleri jyl saıyn qazaqtyń uly aqyny Abaıdyń týǵan kúni Máskeýdiń «Chıstye prýdy» saıabaǵyndaǵy eskertkishine gúl shoqtaryn qoıyp, kemeńger babamyzǵa bas ıip qaıtýdy dástúrge aınaldyrǵan. Bıyl da 10 tamyz kúni Qazaqstan elshiliginiń qoldaýymen «Qazaq tili» jáne «Murager» qoǵamdary uıymdastyrǵan «Abaı oqýlary» dep atalatyn poezııa keshine arnaıy shaqyrylǵan qonaqtar: belgili aqyn-jazýshylar men qoǵam qaıratkerleri, dıaspora ókilderi, elshiliktiń qyzmetkerleri aldymen Abaı eskertkishine gúl qoıyp qurmet kórsetti. Qonaqtar atynan Jazýshylar odaqtarynyń halyqaralyq qaýymdastyǵy atqarý komıtetiniń múshesi Ivan Sabılo sóz alyp, jınalǵandardy uly aqynnyń týǵan kúnimen quttyqtady.

Máskeý qazaqtary men Qazaqstan elshiliginiń qyzmetkerleri jyl saıyn qazaqtyń uly aqyny Abaıdyń týǵan kúni Máskeýdiń «Chıstye prýdy» saıabaǵyndaǵy eskertkishine gúl shoqtaryn qoıyp, kemeńger babamyzǵa bas ıip qaıtýdy dástúrge aınaldyrǵan. Bıyl da 10 tamyz kúni Qazaqstan elshiliginiń qoldaýymen «Qazaq tili» jáne «Murager» qoǵamdary uıymdastyrǵan «Abaı oqýlary» dep atalatyn poezııa keshine arnaıy shaqyrylǵan qonaqtar: belgili aqyn-jazýshylar men qoǵam qaıratkerleri, dıaspora ókilderi, elshiliktiń qyzmetkerleri aldymen Abaı eskertkishine gúl qoıyp qurmet kórsetti. Qonaqtar atynan Jazýshylar odaqtarynyń halyqaralyq qaýymdastyǵy atqarý komıtetiniń múshesi Ivan Sabılo sóz alyp, jınalǵandardy uly aqynnyń týǵan kúnimen quttyqtady.

– Abaı – tek qazaq halqynyń ǵana maqtanyshy emes, kúlli adamzatqa ortaq, uly tulǵa, ásirese, orys pen qazaq halyqtarynyń arasynda dostyq baılanystyń túzilýin úndegen, soǵan dáneker bolǵan jan, – dedi ol. – Eki el arasyndaǵy ádebı baılanystardyń bastaýy bolǵan da Abaı. Onyń fılosofııalyq dana oılary, jaý­har jyrlary – álem halqyna ortaq asyl qazyna. Sondyqtan, Abaıdyń týǵan kúni bárimizge ortaq mereke.

Mereke odan ári elshiliktiń «Baspasóz ortalyǵynda» jalǵasty. «Abaı oqýlary» poezııa keshin Qazaqstan elshiliginiń keńesshi-ókili Vıktor Temirbaev qysqasha sóz sóılep ashty.

– Máskeýde alǵashqy ret ótki­zil­geli otyrǵan «Abaı oqýlary» poezııa keshiniń eki el arasyndaǵy mádenı, dostyq baılanysqa tıgizer áseri mol. Osy poezııa keshin jáne Abaı atamyzdyń týǵan kúnin jyl saıyn Máskeýde ótkizip turýdy dástúrge aınaldyrǵymyz keledi, – dedi ol. Munan soń V.Temirbaev elshi Ǵalym Orazbaqovtyń atyna joldanǵan Qazaqstan Jazýshylar odaǵynyń tóraǵasy Nurlan Orazalınniń alǵys hatyn oqyp berdi.

Belgili aqyn jazýshylar – Va­lerıı Povolıaev, Mıhaıl Sınel­nıkov, Lıýdmıla Shıpahına, Glan Onanıan, Vıacheslav Samoshkın, Stanıslav Shılov, qonaqtar arasynan «Reseı-Grýzııa» qoǵamynyń prezıdenti Vladımır Homerıkı, uly Abaı jaıly tebirene sóılep, munan bulaı da «Abaı oqýlary» jyr keshiniń dástúrge aınalýyna atsalysatyndaryn aıtty.

Baspager Vıacheslav Samoshkın ózderi shyǵaratyn «Dıalog moreı» jýrnalynyń aldaǵy jańa sanynda Abaı jaıly maqala jáne Abaı jyrlary beriletininen habardar etti.

Jıynǵa qatysýshylar aqyn Abaıdyń óleńderin qazaq-orys tilinde alma-kezek oqysa, kompozıtor Abaıdyń ásem ánderin oryndaý­shylar da az bolǵan joq.

Tursynaı ORAZBAEVA.

MÁSKEÝ.