Mundaı statıstıka «Brakoner» jedel-aldyn alý is-sharasy barysynda anyqtaldy, ol tabıǵatty qorǵaý zańnamasyn buzýshylyqtardy, bıologııalyq resýrstar obektileri men ónimderiniń zańsyz aınalymyn anyqtaýǵa jáne jolyn kesýge, ekologııalyq qylmystardy ashýǵa baǵyttalǵan.
Máselen, Beıneý aýdanynda polısııa qyzmetkerleri Qyzyl kitapqa engizilgen qaraquıryqty atqan brakonerlerdi ustady. Tintý kezinde 1 bas qaraquıryq, 16 kalıbrli eki aýyzdyq myltyǵy, 23 oq jáne pyshaq tabyldy.
Atalǵan fakti boıynsha QK-niń «Sırek kezdesetin jáne quryp ketý qaýpi tóngen, sondaı-aq, paıdalanýǵa tyıym salynǵan ósimdikter men janýarlar túrlerin, olardyń bólikterin nemese derıvattaryn zańsyz paıdalaný» baby boıynsha sotqa deıingi tergeý bastaldy. Kúdiktiler qamaýǵa alynyp, tergeý sharalary júrgizilýde. Materıal aýdandyq sotqa sheshim qabyldaý úshin jiberildi.
Sondaı-aq, aǵymdaǵy jyldyń aqpan aıynyń basynda Aqtaý-Beıneý-Boranqul-Atyraý avtojolynda polısııa qyzmetkerleri toqtatqan «Toıota Kamrı» markaly avtokóliginiń salonynan 9 ıtelgi qusy tabyldy. Ustalǵandar Shymkent qalasynyń týmasy.
Kúdiktilerge qatysty QK-niń «Zańsyz ań aýlaý» baby boıynsha sotqa deıingi tergeý bastaldy. Kólik aıypturaqqa jabyldy. Kúdiktiler tergeý ızolıatoryna qamaldy.
Aıta ketý kerek, bul janýarlar adam aqylsyzdyǵynyń qurbany bolǵandyqtan Qazaqstanda qaraquıryqtar men ıtelgilerdiń popýlıasııasy Qyzyl kitapqa engizilgen.
Mańǵystaý oblysy
