Qatysýshylar ıýnıorlyq kompanııalar logıstıkasynyń máselelerin, qarjylandyrýdy tartý múmkindikterin, ıýnıorlyq naryqty damytýdy memlekettik qoldaý sharalaryn, qatty paıdaly qazbalardy barlaýdy retteý jáne josparlaý máselelerin talqylady. «Taý-Ken Samuryq» UTK» AQ bizdiń elimizde qatty paıdaly qazbalardy barlaý boıynsha ıýnıorlardy qarjylandyrýǵa baılanysty óz baǵdarlamasyn usyndy.
Jıyn barysynda Indýstrııa jáne ınfraqurylymdyq damý vıse-mınıstri laýazymyna Rýslan Baımıshev paıdaly qazbalardy barlaý máselesindegi zańnamalalyq qujattardy paıdalaný, shaǵyn jáne orta bıznestiń barlaý jumystaryna qatysý máselesin qozǵasa, KASE Basqarma múshesi, Basqarýshy dırektory Qaırat Turmaǵambetov zańdy tulǵalardyń qor bırjasyna qatysý múmkindikteri men qazirgi kezdegi Qazaqstan qor bırjasynyń baǵyt-baǵdarynan habardar etip ótti.
NaIIeg Lomax ókili Tımýr Odılov «Biz osy klýbty qalyptastyrdyq jáne últtyq ıýnıorlyq naryq bar ekendigin kórsetý úshin, zamanaýı talaptarda naqty sol bizdiń elimizdiń mıneraldy-shıkizattyq bazasyn qalpyna keltirýde geologııalyq barlaýmen aınalysýy úshin qazirgi ýaqytta óte kókeıtesti taqyrypqa kezdesý ótkizýdi sheshtik. Biz pikir almasý, taý- geologııalyq kompanııalardyń damýyna sonymen qatar, qarjylandyrýdy tartýǵa kómektesý jáne úıretý úshin osyǵan qyzyǵýshylyq tanytyp otyrǵan barlyq tulǵalardy jınaýǵa bel býdyq» dep atap ótse, Aurora Minerals Group seriktesi Saıd Sýltanov «Álemdik statıstıka sońǵy 70 jyldyqta altyn ken ornynyń 70%-yn naqty ıýnıor-kompanııalar ashqandyǵyn kórsetip otyr. Qazaqstanda iri ken oryndary sanynyń qazirgi qysqarýy jaǵdaıynda ıýnıorlar narqyn damytý úshin jaǵymdy orta/ekojúıe qalyptastyryp, sol arqyly jańa ken oryndarynyń esebinen eldiń mıneraldyq zapasyn toltyryp, ekonomıkanyń osy salasynyń sandyq jáne sapalyq ósýin qamtamasyz etý asa mańyzdy» degen pikirimen bólisti. Al , «Taý-Ken Samuryq» UTK» AQ basqarma tóraǵasy Qanat Qudaıbergenniń aıtýynsha, ıýnıorlyq naryqtyń damý áleýeti baıqalady. Degenmen, kishigirim kompanııalar úshin qarjylandyrý quraldaryna qoldjetimsizdik máselesi bar ekendigi qupııa emes. «Biz Ulttyq kompanııa retinde bolashaǵy bar geologııalyq barlaý jobalaryn qoldaýǵa daıynbyz. Atap aıtqanda, Taý-Ken-Samuryq» pılottyq jobany júzege asyrý úúshin altyn, mys jáne myrynsh ken oryndaryn qarastyryp otyr», dep atap ótti Q.Qudaıbergen.
ALMATY
