Aǵymdaǵy jyldyń 1 sáýirine deıin eldiń barlyq turǵyndary shartty túrde saqtandyrylǵan bolyp sanalady jáne olar TMKKK jáne MÁMS paketteri aıasynda medısınalyq qyzmetterdi tegin ala alady.
Al saqtandyrylmaǵan azamattar, ár medısınalyq uıymda ornalastyrylǵan tólem termınaldary arqyly jarna tólep, mártebesin anyqtaýǵa múmkindik alady.
Búgingi tańda bastapqy medısınalyq sanıtarlyq kómek kórsetetin medısınalyq uıymdardyń 81,8% termınaldarmen jabdyqtalǵan. Demek, azamattar ózderiniń saqtandyrý mártebesin anyqtap, mindetti medısınalyq saqtandyrý júıesine tirkelýi kerek.
Jeńildik kezeńi aıaqtalǵannan keıin 2020 jyldyń 1 sáýirinen bastap saqtandyrylmaǵan pasıentter medısınalyq kómek alýdy jalǵastyra beredi, ol tek medısınalyq kómektiń kepildendirilgen kólemi aıasynda ǵana, qalǵan qyzmetterge aqyly bolady.
Ár azamat óziniń saqtandyrylǵan nemese saqtandyrylmaǵan ekenin birneshe jolmen bile alady: 1) Tirkelgen emhanasyna baryp, regıstratýraǵa JSN (Jeke sáıkestendirilgen nomer) nómirin aıtsa, mamandar anyqtap beredi. 2) Fms.kz saıtynda JSN nómirińizdi terseńiz, statýsyńyzdy shyǵaryp beredi. 3) Uıaly telefondaǵy Telegram qosymshasynda SaqtandyryBotqa (SaqtandyrýBot) JSN nómirińizdi jiberseńiz, sizge birden statýsyńyz jaıly aqparat keledi.
Sondyqtan 31 naýryzǵa deıin MÁMS júıesinde saqtanýshynyń mártebesin alý mańyzdy.
Mańǵystaý oblysy
