Aımaqtar • 28 Aqpan, 2020

Túrkistanda «Smart-mektep» jobasy júzege asyryla bastady

25 ret kórsetildi

Túrkistan oblystyq Sıfrlandyrý, memlekettik qyzmetter kórsetý jáne arhıvter basqarmasy oblys ortalyǵyndaǵy 3 birdeı oqý ornyna «Smart-mektep» jobasyn engize bastady.

Qaýipsizdik deńgeıin arttyrý, júıelerdi avtomattandyrý maqsatyndaǵy joba aıasynda Túrkistandaǵy №10 Ál-Farabı atyndaǵy jáne №13 Á.Naýaı atyndaǵy jalpy orta mektepteri men №31 bastaýysh,  №27 IT-lıseı mektebine oqýshylardyń kirýin baqylaý úshin týrnıketter men elektrondy qulyptar, beınebaqylaý qurylǵylary qoıyldy. Budan ózge, aldaǵy ýaqytta mektepterge engiziletin «shkaf-lokerler» qaýipsizdik deńgeıin arttyra túseri anyq. Oqýshylardyń kelip-ketýine elektrondy esep júrgizýge múmkindik beretin karta nemese bilezikter tarqatý da josparlanýda. Qazirgi tańda oqýshylardyń sıfrlyq saýattylyqtaryn arttyrý baǵytynda tehnıkalyq pánderdi oqytýǵa arnalǵan «Stem Panel» júıesi ornatylyp, muǵalimderge jáne barlyq mektep dırektorlaryna panelderdiń fýksıonaldyq artyqshylyqtarymen tanystyrý úshin arnaıy semınarlar ótkizilgen. Sondaı-aq, basqarmanyń bastamasymen Túrkistan qalasyndaǵy №13 Á.Naýaı atyndaǵy jalpy orta mektepte IT-synyp ashyldy.

1

Aıta ketelik, jobada aıasynda Túrkistan qalasyndaǵy 8 mektep, Arys qalasyndaǵy 5 mektep beınekameralarmen jabdyqtalǵan. Qazirgi tańda jergilikti polısııa pýnktterine ıntegrasııalaý jumystary júrgizilýde. Aldaǵy ýaqytta oblystaǵy barlyq mektepterdi memlekettik-jekemenshik áriptestik aıasynda beınekameralamen qamtý josparlanýda. 

 

Túrkistan oblysy

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar