Is-sharanyń maqsaty – golbol sport túrin kópshilikke tanytý. Jarys komandalarǵa halyqaralyq arenaǵa shyǵýǵa múmkindik beredi. Qazaqstanda golboldan 2017 jyldan beri 3 Chempıonat ótti.
Golboldan Qazaqstan Kýbogynyń nátıjeleri:
1 oryn – «Abay» komandasy (Almaty qalasy)
2 oryn – Almaty oblysynyń komandasy
3 oryn – Jambyl oblysynyń komandasy
Jastar arasyndaǵy kýbogty Túrkistan oblysynyń«Úmit» komandasy jeńip aldy. «Jeńiske degen jigeri úshin» Atyraý oblysynyń komandasy marapattaldy.
«Golbol úshin bul úlken qadam. Eger biz Chempıonattarmen Kýboktar sııaqty kóptegen jarystardy kóp ótkizsek, onda árıne, oıyn deńgeıi kóteriledi. Sonymen qatar,osylaısha golbolǵa jańa adamdardy tartamyz. Qazir golboldy elimizdiń 9 óńirinde oınaıdy. Bul Kýbokta biz myqty jigitterdi baıqadyq, endi olardy oqý-jattyǵý jıyndaryna shaqyramyz», - dedi Golbol Federasııasynyń Prezıdenti Mýsrıat Elıbakıev.
Ulttyq paralımpıadalyq quramanyń oqý-jattyǵý jıyndary Nur-Sultan qalasynda naýryzdyń aıaǵynda ótedi.
Golbol – kóz múshesi zaqymdalǵan adamdarǵa arnalǵan oıyn. Bul sport túri Paralımpıada oıyndarynyń baǵdarlamasyna engizilgen. Ony Ekinshi Dúnıejúzilik soǵystan keıin kózi kórmeıtin múgedekterdi ońaltý úshin oılap tabylǵan. Oıyn alǵash ret álemge 1976 jyly Torontodaǵy Paralımpıada oıyndarynda tanystyryldy.
