Esterińizge sala keteıik, bıznes-prosesterdi avtomattandyrý jumystary ótken jyly «QazAgro» holdıngin transformasııalaý aıasynda bastalǵan bolatyn. Nesıe alýdyń onlaın-ótinim júıesi pılottyq negizde byltyr Holdıngtiń enshiles kompanııasy Aýyl sharýashylyǵyn qarjylaı qoldaý qorynyń elordadaǵy bólimshesinde iske qosyldy.
Nesıe alýǵa nıet etken azamat ótinimdi úıinen shyqpaı-aq jibere alady. Bul ásirese oblys ortalyǵynan alys ornalasqan shalǵaıdaǵy eldi mekenderdiń turǵyndary úshin óte tıimdi bolmaq. О́ıtkeni, túrli shyǵyndar da edáýir qysqarady.
Klıent elektrondy sıfrlyq qoltańbanyń kómegimen memlekettik derekqorlardan basqa qujattardy suratýǵa kelisim beredi, sondaı-aq ótinishke, bıznes-josparǵa jáne nesıe alý saýalnamasyna qol qoıýǵa múmkindigi bar. Osynyń nátıjesinde nesıe alýǵa qajetti qujattardyń da sany azaıady.
О́tinim kelip túskennen keıin júıe klıenttiń nesıe alý múmkindigin jáne Qormen baılanysy bar-joǵyn tekseredi.
Eger buryn eki jumys kúni saraptama júrgizýge, qorytyndy berýge jáne nátıjelerdi nesıe bólimine berýge ketetin bolsa, qazir júıe bul tekserýdi birneshe mınýttyń ishinde avtomatty túrde júzege asyrady.
Sondaı-aq klıenttiń nesıe tarıhy týraly birneshe mınýt ishinde avtomatty túrde daıyn bolǵan esepti alatyn nesıe bólimniń ótinimdi qaraý merzimi de qysqartylady. Bul jetistikke júıeni «Memlekettik nesıe bıýrosy» aksıonerlik qoǵamymen ıntegrasııalaýdyń nátıjesinde qol jetip otyr.
Klıentterdi ótinim berýdiń jańa mehanızmderine oqytý úshin aımaqtarda onlaın-júıege qosylǵan kompıýterler ornatylǵan. Osylaısha, Aýyl sharýashylyǵyn qarjylaı qoldaý qorynyń fılıaldarynda menedjer-keńesshiniń kómegimen klıentke onlaın-júıeniń múmkindikterin paıdalaný usynylýda. Endi qala jáne aýyl turǵyndary jeńildetilgen nesıege jyldam qol jetkizedi jáne qajetti qujattardy daıyndaýǵa, jınaýǵa arnalǵan shyǵyndary azaıatyn bolady.
