Jol qyzmetteri táýlik boıy kezekshilik uıymdastyryp, avtojoldar men jol qurylystaryna kún saıyn patrýldeý júrgizedi. Sý tasqyny kezeńinde jumystardy ýaqytyly uıymdastyrý úshin janar-jaǵar maıdyń 644 tonnasy, qumnyń 8,1 myń, tastyń 6,8 myń, qıyrshyq tastyń 17,2 myń tekshe metri, 45,5 myń dana qap, 25 dana temir-betondy qubyr daıyndaldy. Jalpy daıyndyq 90% quraıdy. Sý ótkizgish qubyrlardy jáne kópir arnalaryn qardan tazalaý jumystary bastalyp ketti. Sý basý qaýpi tónip turǵan nysandarda jol-paıdalaný tehnıkasynyń 883 birligi bekitilgen.
Eske salaıyq, ótken jylǵy sý tasqyny kezeńinde respýblıkalyq mańyzy bar avtomobıl joldarynyń qozǵalys bóligi sý astynda qalýynyń 38 oqıǵasy tirkelgen bolatyn. Mundaı oqıǵalardyń sany boıynsha Qaraǵandy oblysy kósh bastady. О́ńirdegi joldardyń sý astynda qalýy boıynsha 26 oqıǵa tirkelgen-di. Aqmola oblysynda jol ýchaskelerin sý basýdyń 7, Shyǵys Qazaqstan men Pavlodar oblystarynda – 2, Soltústik Qazaqstan oblysynda – 1 oqıǵasy oryn alǵan. Osynyń saldarynan jol jıekteri, jasandy qurylystar shamaly buzylǵan bolatyn. Keltirilgen zalaldyń jalpy somasy 90,3 mln teńgeni quraıdy. Sý tasqyny saldarynan bolǵan olqylyqtardy jol qyzmetteri der kezinde joıdy.
