О́ńirdegi óńi ózge ıgilikti isti taıaýda Kókshetaý tehnıkalyq-gýmanıtarlyq lıseı-mektebi qolǵa aldy. Balalar ata-analaryn qolynan jetektep, bilim ordasyna alyp keldi. Otbasymen otyryp ońdy sharaǵa qatysty. Tııanaqty daıyndaǵan, uly Abaıǵa arnalǵan ulaǵatty keshtiń uqtyrary da az emes edi. tirshiliktiń tolqynynda kúnkóristiń qareketimen júrgen kóptegen ata-analar baýyr eti balalarynyń bas bolýymen bir sát mol muraǵa kenelip, bir jasap qaldy. Aldaǵy ýaqytta oqý ornynda osy mazmundaǵy jumys bir jyl boıy júrgizilmek. Ár kezdesý ótkizilgen sátte kestelengen kórkem dúnıeniń shetin tarqatyp, uly hákimniń ulaǵatyn kezeń-kezeńimen kókirekterine qattap jınamaq.
Osy joly «Abaı joly» romany jelisimen qoıylǵan sahnalyq kórinis kóne dúnıeniń kóz aldyńa ákelip, ulttyq rýhanı qundylyqtardy tyńdarmannyń súıegine sińirdi.
–Aqyn tek qazaq ádebıetine ǵana emes, álemdik ádebıettke de qosqan úlesi orasan. Mine, biz osyǵan kóp basymdyq berip otyrmyz. Jasyratyny joq, keıbir ata-analardyń ózderi Abaı shyǵarmashylyǵyn tolyq bile bermeıdi,–deıdi Kókshetaý gýmanıtarlyq-tehnıkalyq mektep-lıseıiniń dırektory Natalıa Dementeva.
«Sabaqty ıne sátimen» degendeı, balalarynyń bazynasy arqyly basty baılyqqa kenelip jatqan ata-analardyń da rızashylyǵy mol.
Kókshetaý qalasy.
